পশ্চিম কাৰ্বি আংলং (West Karbi Anglong) জিলাত খিলঞ্জীয়াৰ সুৰক্ষা আৰু বেদখলকাৰীৰ বিৰুদ্ধে উচ্ছেদ অভিযান চলোৱাৰ দাবীত ঐক্যবদ্ধ সংগ্ৰাম। নিজৰ ভূমিৰ সুৰক্ষাৰ দাবীত সোমবাৰে ফেলাংপিত অনুষ্ঠিত হয় বিশাল গণ সমাবেশ (Massive public gathering)। জিলাখনৰ কেইবাটাও জাতীয় সংগঠনৰ উদ্যোগত অনুষ্ঠিত হয় এই বিশাল গণ সমাবেশ।
ইণ্ডিজিনিয়াছ ফ’ৰাম অসম, সোণোৱাল কছাৰী ছাত্র সংস্থা, তিৱা ছাত্ৰ সংস্থা, যুৱ ছাত্ৰ পৰিষদৰ নেতৃবৃন্দই এই গণ সমাবেশত অংশগ্ৰহণ কৰে। লিটচন ৰংফাৰৰ নেতৃত্বত গঢ় লৈ উঠা এই সংগ্ৰামৰ জৰিয়তে পিজিআৰ-ভিজিআৰ ভূমি (PGR-VGR Land)ত শীঘ্ৰে উচ্ছেদ চলোৱাৰ দাবী (Demand to carry out eviction) উত্থাপন কৰে সংগঠনকেইটাৰ নেতৃবৃন্দই।
আনহাতে, প্ৰয়োজনত প্ৰাণ দিম কিন্তু কিঞ্চিৎ মাটিও এৰি নিদিয়াৰ হুংকাৰ প্ৰদান কৰে তিৱা ছাত্ৰ সংস্থাৰ বিষয়ববীয়াসকলে। উল্লেখ্য যে বিগত বছৰৰ ডিচেম্বৰ মাহৰ ২৩ তাৰিখে খেৰণিত উচ্ছেদৰ দাবীক লৈ কৰা আন্দোলক কেন্দ্ৰ কৰি সৃষ্টি হৈছিল হিংসাত্মক ঘটনা।
এই আন্দোলনৰ কাৰ্যসূচীৰ পিছতে কাৰ্বি আংলঙৰ ভূমিপুত্ৰসকলক সমৰ্থন প্ৰকাশ কৰে অসমৰ সকলোবোৰ খিলঞ্জীয়া জাতি-জনগোষ্ঠীৰ দল-সংগঠনে। তাৰ ফলশ্ৰুতিতে সোমবাৰে হাজাৰ হাজাৰ সচেতন ৰাইজ আৰু বিভিন্ন খিলঞ্জীয়া দল-সংগঠনে ফেলাংপিত একত্ৰিত হৈ বেদখলকাৰীৰ উচ্ছেদ আৰু খিলঞ্জীয়াৰ সুৰক্ষাৰ দাবীত পুনৰ ফেলাংপিৰ আকাশ-বতাহ উত্তাল কৰি তোলে।
