সমগ্ৰ বিশ্বৰ লগত সংগতি ৰাখি আজি কাৰবি আংলঙৰ (Karbi Anglong) বিভিন্ন প্ৰান্তত “প্লাষ্টিক বৰ্জন কৰক” (Avoid plastic) থীম হিচাপেলৈ ডিফুতো (Diphu) পৰিৱেশ আৰু বনবিভাগৰ উদ্যোগত সাংস্কৃতিক পৰিক্ৰমা আৰৱ জিলা প্ৰশাসনৰ সহযোগত বিশ্ব পৰিৱেশ দিৱস উদযাপন (Celebrating World Environment Day) কৰা হয় ৷ আজি পুৱাৰ ভাগত ডিফু বেচৰকাৰী বাছ আস্থানতো ডিফু বিধানসভা সমষ্টিৰ বিধায়ক বিদ্যাছিং ইংলেঙ, জিলা উপায়ুক্ত মধুমিতা ভাগৱতী আৰু জিলা শ্ৰম বিষয়া অপৰ্ণা কিন্দুৰ উপস্থিতিত উদযাপন কৰা হয় বিশ্ব পৰিৱেশ দিৱস ৷
কাৰবি আংলঙৰ ডিফু, হাওৰাঘাট, ডকমকা, লাংহিন আৰু বোকাজান, ছয়টাকৈ স্থানত উদযাপন কৰা হয় বিশ্ব পৰিৱেশ দিৱস ৷ উক্ত পৰিৱেশ দিৱসৰ লগত সংগতি ৰাখি জিলাখনৰ জনপ্ৰিয় অভিনেতা ৰাজীৱ ক্ৰ’ আৰু তেওঁৰ সংগী বৃন্দই “প্লাষ্টিক এৰো, পৃথিৱী গঢ়ো” শীৰ্ষক এক আকৰ্ষণীয় বাটৰ নাট প্ৰদৰ্ণন কৰি প্লাষ্টিক ব্যৱহাৰ ভয়াবহতা, বায়ু প্ৰদুষণ লগতে প্লাষ্টিক বৰ্জন কৰিলেহে প্লাষ্টিকৰ পৰা পৰিত্ৰাণ পাব পাৰে বুলি বাটৰ নাটেৰে সজাগতা সৃষ্টি কৰে৷
ইযাৰ পিছত উপস্থিত ৰাইজৰ মাজত বনবিভাগৰ উদ্যোগত গছপুলি ৰোপন কৰা হয় ৷সাংবাদিকৰ সৈতে হোৱা বাৰ্তালাপত জিলা উপায়ুক্ত মধুমিতা ভাগৱতীয়ে কয় যে, সমগ্ৰ বিশ্বৰ লগত সংগতি ৰাখি কাৰবি আংলঙৰ বিভিন্ন ঠাইত বনবিভাগৰ উদ্যোগত বৃক্ষ পুলি ৰোপন, মিউনিচিপালটি বোৰ্ডৰ উদ্যোগত চাফাই অভিযান আৰু সাংস্কৃতিক পৰিক্ৰমা বিভাগৰ উদ্যোগত বাটৰ নাট কৰি জিলাখনত বিশ্ব পৰিৱেশ দিৱস উদযাপন কৰা হয় বুলি কয়৷
