আজি ৰাতিপুৱা নগাঁও আৰক্ষীৰ এক সক্ৰিয় অভিযানত কাটিমাৰিৰ পৰা সোণৰ নাও সহ এজন ব্যৱসায়ী আটক হয় নগাঁও সদৰ আৰক্ষী থানাৰ ভাৰপ্ৰাপ্ত বিষয়া মনোজ ৰাজবংশীৰ নেতৃত্বাধীন এটা আৰক্ষী দলে এই অভিযানত ১৮ খন নকল সোণৰ নাও আৰু লখিমপুৰস্থিত বিহপুৰীয়াস্থিত ওবেদ আলী নামৰ এজন সৰবৰাহকাৰীক আটক কৰে।
আৰক্ষী সুত্ৰই জনোৱা মতে ওবেদ আলিয়ে বিহপুৰীয়াৰ পৰা আহি নগাঁৱৰ কাটিমাৰিত বাহৰ পাতি নকল সোণৰ এক ৰমৰমীয়া ব্যৱসায় চলাই আহিছে। নগাঁৱকে ধৰি বিভিন্ন স্থানৰ কিছু লোকক প্ৰলোভনেৰে কাটিমাৰিলৈ মাটি আনি প্ৰকৃত সোণ বুলি এই ব্যৱসায় চলাই আহিছিল।
উল্লেখ যে, ইয়াৰ পূৰ্বেও নগাঁও আৰক্ষীয়ে নকল সোণৰ বিভিন্ন সামগ্ৰী জব্দ কৰাৰ লগতে বহু নকল সোণৰ ব্যৱসায়িক গ্ৰেপ্তাৰ কৰিছিল।
