নলবাৰীত উদ্ধাৰ হৈছে বৃহৎ মূল্যৰ চোৰাং ঔষধ। বালিকৰিয়াত উদ্ধাৰ ১০ কোটিৰো অধিক মূল্যৰ চোৰাং ঔষধ ৷ আনহাতে, এই চোৰাং ঔষধৰ মাষ্টাৰ মাইণ্ড অপূৰ্ব দাসে পলায়ন কৰে৷ উল্লেখ্য যে নলবাৰীৰ বালিকৰিয়াৰ শিলখাগুড়িত নিবাৰণ বৰ্মন নামৰ এজন ব্যক্তিৰ পৰিত্যক্ত বাসগৃৰ পৰা উদ্ধাৰ কৰে এই ঔষধখিনি।
ইফালে ঘটনাস্থলীত উপস্থিত হয় ঔষধ প্ৰস্তুত কোম্পানী মেকলয়ডৰ স্বত্ত্বাধিকাৰী৷ প্ৰাপ্ত তথ্য মতে, নিবাৰণ বৰ্মনৰ খুলশালীয়েক অপূৰ্ব দাসে মেকলয়ড কোম্পানীৰ দুজন কৰ্মীচাৰীক ঔষধ খিনিৰ বিনিময়ত ডেৰ কোটিকৈ টকা দিয়াৰ প্ৰতিশ্ৰুতি দিছিল৷ মেকলয়ডৰ দুই কৰ্মচাৰী ৰাহুল যাদৱ আৰু পূৰ্ণানন্দ দাসে স্বত্ত্বাধিকাৰীৰ ওচৰত ইতিমধ্যে আত্মসমৰ্পণ কৰাৰ কথা জনাইছে৷
উল্লেখ্য যে মেকলয়ড কোম্পানীৰ চোৰাং ঔষধখিনি শুকুৰবাৰে নিশা নিবাৰণ বৰ্মনৰ পৰিত্যক্ত বাসগৃহত স্থানীয় লোকে উদ্ধাৰ কৰে৷ জানিব পৰা মতে, নিবাৰণ বৰ্মন গুৱাহাটীৰ ৰহমান হাস্পতালৰ এগৰাকী ব্লাড বেংকৰ কৰ্মচাৰী৷
কোম্পানীটোৰ একাংশ মাৰ্কেটিং ৰিপ্ৰেজেণ্টেটিভে ঔষধখিনি প্ৰত্যক্ষ কৰি সেয়া দুৰ্গা পূজাৰ সময়ত চুৰি হোৱা বুলি মন্তব্য কৰে৷ জানিব পৰা মতে, যোৱা ১৯ অক্টোবৰত এই ঔষধখিনি চুৰি হোৱাৰ পিছত গুৱাহাটীৰ বশিষ্ট থানাত কোম্পানীটোৰ তৰফৰ পৰা এজাহাৰ দাখিল কৰা হৈছিল৷
