“আঠশৰো অধিক টেট শিক্ষকক নিযুক্তি, সাংবাদিক, লেখক সকললৈ বীমা আৰু আৰু আইনৰ স্নাতক সকলৰ মাজত এককালীন সাহায্যৰ চেক বিতৰণ”
শুকুৰবাৰে দুদিনীয়া কাৰ্যসূচীলৈ বিহুৰ প্ৰথম দিনটোতে কাৰবি আংলঙ ভ্ৰমণলৈ আহিছে অসমৰ মুখ্যমন্ত্ৰী ডাঃ হিমন্ত বিশ্বশৰ্মা ৷ হেলিকাপ্তাৰ যোগে তাৰাংলাংচত অৱতৰণ কৰা মুখ্যমন্ত্ৰী গৰাকীয়ে ডিফু চহৰত উপস্থিত হৈ প্ৰথমে ডিফু মূল চহৰৰ ওপৰেৰে ২৪৩ কোটি টকা ব্যয় সাপেক্ষে ১’৩ কিঃমিটাৰ দৈৰ্ঘৰ ডিফু ষ্টেডিয়ামৰ পৰা ডাকঘৰলৈকে নিৰ্মাণ হবলগীয়া চাৰিলেনযুক্ত উৰণীয়া সেঁতুৰ ভূমি পূজাত অংশ গ্ৰহণ কৰে ৷
ইয়াৰ পিছত ডিফুৰ জয়ছং দলৈ প্ৰেক্ষাগৃহত অনুষ্ঠিত এক সভাত অংশ গ্ৰহণ কৰি জিলাখনৰ ৩২ গৰাকী সাংবাদিকলৈ কাৰবি আংলং স্বায়ত্তশাসিত পৰিষদে আগবঢ়োৱা ১০লাখ টকাৰ বীমাৰ প্ৰিমিয়াম, জিলাখনৰ নৱীন প্ৰৱিন লেখক সকললৈ বীমাৰ প্ৰিমিয়াম আৰু ২০১৭ চনৰ পৰা বৰ্মানলৈকে আইনৰ স্নাতক হোৱা ৮৮ গৰাকী ছাত্ৰ-ছাত্ৰীক এককালীন সাহায্য প্ৰদান কৰাৰ লগতে বিশেষকৈ জিলাখনৰ টেট যোগ্যতাপ্ৰাপ্ত ৮৮৪ ব্যক্তিৰ মাজত শিক্ষকৰ নিযুক্তি পত্ৰ বিতৰণ কৰে মুখ্যমন্ত্ৰী গৰাকীয়ে ৷
ইয়াৰোপৰি ইতিমধ্যে মৃত্যু বৰণ কৰা সাংবাদিকৰ পৰিয়াল সকললৈ ও ৫০ হাজাৰ টকাৰ এককালীন সাহায্য আজি প্ৰদান কৰা হয় ৷
কাৰবি আংলং স্বায়ত্তশাসিত পৰিষদৰ প্ৰধান সচিব মুকুল কুমাৰ শইকীয়াই আদৰণি ভাষণ দিয়া সভাখনত উপস্থিত থাকে সাংসদ হৰেণছিং বে, মন্ত্ৰী যোগেন মোহন, বিধায়ক সকল ক্ৰমে, বিদ্যাছিং ইংলেঙ, দৰছিং ৰংহাঙ, ৰুপছিং টেৰণ, বিধান সভাৰ উপাধ্যক্ষ ডাঃ নোমল মমিন আৰু কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য ডাঃ তুলিৰাম ৰংহাঙ ৷
উক্ত সভাত কাৰবি আংলং স্বায়ত্তশাসিত পৰিষদৰ চিইএম, ডাঃ তুলিৰাম ৰংহাঙ নিজৰ ভাষণ প্ৰসংগত কয়যে, —-শিক্ষা জাতিৰ মেৰুদণ্ড স্বৰূপ ৷ শিক্ষাই সকলো ৷ দল সংগঠনৰ দাবীৰ মৰ্মে তদানীন্তন শিক্ষামন্ত্ৰী আৰু বৰ্তমানৰ মুখ্যমন্ত্ৰীয়ে কাৰবি পৰিষদৰ টেট নিযুক্তি ক্ষমতা প্ৰদান কৰাৰ লগতে উক্ত শিক্ষক সকলৰ দৰমহাও পৰিষদে বহন কৰাৰ ক্ষমতা প্ৰদান কৰিছিল ৷
আনহাতে মুখ্য অতিথিৰ ভাষণ প্ৰসংগত মুখ্যমন্ত্ৰী ডাঃ হিমন্ত বিশ্ব শৰ্মা আজিৰ দিনটোক মংগলময় দিন আখ্যা দিয়ে ৷ আৰু ডিফুৰ পৰাই অসমবাসী ৰাইজক বিহু শুভেশ্ছা জ্ঞাপন কৰে ৷ তেওঁ কয়যে ৰাজ্য চৰকাৰে শিক্ষা বিভাগ আৰু স্বাস্থ্য বিভাগত জিডিপি ৬ শতাংশকৈ মুঠ ১২ শতাংশ খৰছ কৰা হয় ৷
উক্ত সময়ছোৱাত ২৪ টা মেডিকেল কলেজৰ ভিতৰত ৮ খন নিৰ্মিয়মান, ৮খন নিৰ্মান সম্পূৰ্ণ আৰু ৮ খন নিৰ্মাণ হব লগীয়া আছে বুলি কয ৷ইয়াৰ জৰিয়তে ভয়াবহ ক’ভিড কালতো স্বাস্থ্যখণ্ডৰ উজ্জলময় প্ৰতিচ্ছবি পৰিলক্ষিত হৈছে
১০ বছৰে কাৰবি আংলঙত বিকাশৰ নৱজাগৰণৰ সৃষ্টি হৈছে বুলি উল্লেখ কৰি কাৰবি আংলঙৰ উন্নয়নে নৱ দিগন্ত স্পৰ্শ কৰিছে বুলিও মন্তব্য কৰে ৷ যিখন সমাজত শিক্ষা সংস্কৃতি, যুৱ মানসিকতা আৰু খেলাধূলা নাথাকে সেই সমাজখনে প্ৰাণ পাই নুঠে ৷
গুণোৎসৱত কাৰবি আংলঙৰ ফলাফল উন্নত নহয়, শিক্ষাৰ বাবে ব্যক্তিগত প্ৰতিষ্ঠানৰ বাবে ধাৱমান হৈছে ৷শিক্ষক নিযুক্তি হৈছে যদিও চৰকাৰী বিদ্যালয়ৰ পৰা ছাত্ৰ-ছাত্ৰী ব্যক্তিগত বিদ্যালয়লৈ গৈছে ৷ বাটপথ , হাস্পাতাল, চিকিংসা আদিৰ বাবে যেনেদৰে মুখ্যমন্ত্ৰী দায়বদ্ধ তেনদৰে চৰকাৰী বিদ্যালয় সমূহত ছাত্ৰ-ছাত্ৰী হ্ৰাস পোৱাৰ বাবে শিক্ষক সকল দায়বদ্ধ বুলি কয় মুখ্যমন্ত্ৰীয়ে ৷
চৰকাৰৰ পৰা দৰমহা লৈ শিক্ষক স্কুললৈ নগলে তেও সমাজৰ শত্ৰু ৷ দুৰ্গম এলেকাৰ বিদ্যালয়লৈ যাব নোৱাৰিলে নিযুক্তি পত্ৰ লব নালাগে বুলি কৈ কোনোৱে কাকো দৰমহা দিয়া নাই, ৰাইজৰ পৰা সংগ্ৰহ কৰা কৰেৰেৰে দৰমহা পৰিশোধ কৰে সেয়ে ৰাইজক শিক্ষক সকলে নিষ্ঠা সহকাৰে দায়িত্ব পালন কৰিবলৈ পৰামৰ্শ দিয়ে ৷
কাৰবি সকলেও অসমীয়াভাষা কব শিকিব লাগে ৷ অসমীয়া হিন্দী ইংৰাজী ভাষা শিকি ললে অসম, ভাৰত আৰু বিশ্ব আমাৰ হব বুলি কয় ৷ আনহাতে সাংবাদিকৰ সৈতে হোৱা বাৰ্তালাপত মুখ্যমন্ত্ৰী গৰাকীয়ে কয়যে, ৮৮৪ গৰাকী টেট নিযুক্তি প্ৰাপ্ত শিক্ষকক অভিনন্দন জনোৱাৰ লগতে এই সকল শিক্ষকে শৈক্ষিক জীৱনৰ শ্ৰীবৃদ্ধি আৰু জনজীৱনলৈ অৰিহনা যোগাব বুলি কয় ৷
আনহাতে যোৱা ১২ এপ্ৰিলত ডিফু চৰকাৰী বালক উচ্চতৰ মাধ্যমিক বিদ্যালয়ৰ খেল পথাৰত জনজাতীয় বিশ্বাস আৰু সুৰক্ষা মঞ্চৰ উদ্যোগত অনুষ্ঠিত বিশাল জনজাতীয় সমাৰোহত নিৰ্দিষ্ট বক্তা হিছাপে গুৱাহাটী কটন বিশ্ববিদ্যালয়ৰ অধ্যাপক ডাঃ জ্ঞানেন্দ্ৰ বৰ্মণে ধৰ্মান্তৰিত হোৱা জনজাতি সকলৰ জনজাতিৰ মৰ্যদা কৰ্তন কৰিব লাগে বুলি দিয়া ভাষণ প্ৰসংগত মুখ্যমন্ত্ৰীক সাংবাদিকে সোধা প্ৰশ্নৰ উত্তৰত কয়যে, তেনে ব্যক্তিৰ লগত ৰাজ্য চৰকাৰ, বিজেপি আৰুইয়াৰ কৰ্মী সকলৰ দূৰ-দূৰণিলৈকে সম্পৰ্ক নাই ৷
মানুহৰ মাজত একতা হোৱাটো তেও বিচাৰে জাতি-ধৰ্ম বৰ্ণ নিৰ্বিশেষে বিশেষকৈ জনজাতি সকলৰ মাজত সমপ্ৰিতী কামনা কৰাৰ লগতে জনজাতি সকলৰ কোনো ধৰণৰ সংঘাত সৃষ্টি নোহোৱাকৈ মিলা প্ৰিতীৰে থাকিব লাগে বুলি মুখ্যমন্ত্ৰী ডাঃ হিমন্ত বিশ্ব শৰ্মাই মন্তব্য কৰে ৷
