নীট প্ৰশ্নকাকত ফাদিলৰ বিৰুদ্ধে পঁইতাচোৰাৰ আন্দোলনত তেওঁ সক্ৰিয়ভাৱে জড়িত আছিল। মুখ্য নিৰ্বাচন আয়ুক্ত জ্ঞানেশ কুমাৰৰ পদত্যাগ আৰু এছআইআৰ বাতিলৰ দাবীত চলি থকা আন্দোলনৰ প্ৰতিও তেওঁ একমত প্ৰকাশ কৰিছে। ইয়াৰ মাজতে কেন্দ্ৰীয়শাসিত অঞ্চল লাডাখৰ প্ৰশাসনে পৰিবেশ কৰ্মী তথা সমাজকৰ্মী সোণম ৱাংচুকৰ (Sonam Wangchuk) ‘ডেজাৰ্ট ফ্লাৱাৰ স্কুল’ বন্ধ কৰাৰ নিৰ্দেশ দিছে। প্রয়োজনীয় অনুমতি অবিহনে বিদ্যালয়খন আৰম্ভ কৰা বুলি অভিযোগ উত্থাপন কৰিছে৷
মঙলবাৰে লাডাখৰ ৰাজধানী লেহৰ মহকুমাধিপতিৰ (তহচিলদাৰ) দ্বাৰা জাৰি কৰা জাননী ৱাংচুকৰ পত্নী ‘হিমালয়ান ইনষ্টিটিউট অব অলটাৰনেটিভছ, লাডাখ’ৰ প্ৰতিষ্ঠাপক সঞ্চালক গীতাঞ্জলি জে আংমোলৈ প্ৰেৰণ কৰা হয়। জাননীখনত কোৱা হৈছে যে জম্মু-কাশ্মীৰ আৰু লাডাখ উচ্চ ন্যায়ালয়ত বিচাৰাধীন হৈ থকা ভূমিৰ গোচৰত প্ৰভাৱ পৰিব পৰা কোনো কাম কৰিব নালাগে। লাডাখ প্ৰশাসনৰ দাবী যে ২২ ছেপ্টেম্বৰত আংমোৱে লেহৰ উপাযুক্তলৈ পত্ৰ লিখি বিদ্যালয়খনৰ প্ৰস্তাৱিত পৰিচালনা সমিতিৰ সদস্যসকলৰ বাবে ক্লিয়াৰেন্স (ন’ অবজেক্সন চাৰ্টিফিকেট বা এনঅ’চি) বিচাৰিছিল।
অৱশ্যে সংশ্লিষ্ট কৰ্তৃপক্ষৰ পৰা ক্লিয়াৰেন্স পোৱাৰ পূৰ্বে বিদ্যালয়খনত পাঠদান আৰম্ভ কৰা হয়। এনে পৰিস্থিতিত আদালতৰ চূড়ান্ত নিৰ্দেশ নোপোৱালৈকে বিদ্যালয় চলোৱাৰ সন্দৰ্ভত কোনো ব্যৱস্থা গ্ৰহণ নকৰিবলৈ জাননীত নিৰ্দেশ দিয়া হৈছে। উল্লেখ্য যে ২০১৮ চনত প্ৰশাসনে ফিয়াং থাং অঞ্চলত বিশ্ববিদ্যালয় চৌহদ নিৰ্মাণৰ বাবে ‘হিমালয়ান ইনষ্টিটিউট অব অলটাৰনেটিভছ, লাডাখ’ক ৪০ বছৰৰ লীজত ১০৭৬ কানাল মাটি আবণ্টন দিছিল। কিন্তু ২০২৫ চনত লাডাখ প্ৰশাসনে সেই আবণ্টন বাতিল কৰিছিল। সেই সিদ্ধান্তক প্ৰত্যাহ্বান জনাই ৱাংচুকৰ হৈ উচ্চ ন্যায়ালয়ত লেখ আবেদন দাখিল কৰা হৈছিল, যিটো বৰ্তমান বিচাৰাধীন হৈ আছে।
