চাওঁতে চাওঁতে শাৰদীয় দুৰ্গা পূজা (Shardiya Durga Puja) আহি চোতালত উপস্থিত হ’লহি আজি পবিত্ৰ মহালয়া (Holy Mahalaya today)। এই মহালয়াতে ধৰালৈ আগমন ঘটে দেৱী দূর্গাৰ। এইবাৰ দুৰ্গা দেৱীয়ে দোলাত উঠি ধৰালৈ আগমন ঘটিছে।
মহালয়াৰ লগে লগে এতিয়া দেশ তথা ৰাজ্যৰ চৌদিশে দেৱী দূর্গাৰ বন্দনাৰ বাবে সাজু হৈ উঠিছে ভক্তসকল। লগতে সাজু হৈ উঠিছে বিভিন্ন পূজা মণ্ডপ। আটকধুনীয়াকৈ সজাই-পৰাই তোলা হৈছে দেৱীৰ মূৰ্তিৰ লগতে পূজা মণ্ডপসমূহ।
উল্লেখযোগ্য যে পিতৃপক্ষৰ অৱসানৰ পিছত আজিৰে পৰা আৰম্ভ হৈছে দেৱীপক্ষ। মহালয়াতে আৰম্ভ হয় দেৱীপক্ষৰ আৰু এই দিনটোতে দেৱী দুৰ্গাৰ পৃথিৱীলৈ আগমন ঘটে৷
আনহাতে, আহিনৰ শুক্লপক্ষৰ ষষ্ঠী তিথিৰ পৰা আৰম্ভ হয় দুৰ্গা পূজা৷ ষষ্ঠীৰ দিনাখন বোধনেৰে বেদীত স্থাপন কৰা হ’ব মহিষমৰ্দিনীক ৷ উল্লেখযোগ্য যে এইবাৰ দেৱী দুৰ্গাৰ আগমন দোলাত আৰু গমন হ’ব ঘোঁৰাত। ইফালে বিভিন্ন জ্যোতিষ গণনা মতে দেৱীৰ আগমন-গমনৰ প্ৰভাৱ পৰে ধৰাৰ ওপৰত। সেই অনুযায়ী, এইবাৰ যিহেতু দেৱী দুৰ্গাৰ দোলাত আগমন ঘটিছে, ইয়াৰ ফলত মহাব্যাধিয়ে দেখা দিব পাৰে৷ দেৱী দুৰ্গা দোলাত আহিলে মহামাৰীৰ সম্ভৱনা ব্যক্ত কৰা হয়। দেৱী দুৰ্গাৰ ঘোঁৰাত গমনৰ ফলত হিংসাত্মক কাৰ্যকলাপ বৃদ্ধি পোৱাৰ লগতে এখন দেশে আন এখন দেশৰ সৈতে যুদ্ধত লিপ্ত হোৱাৰ সম্ভৱনা অধিক দেখা পোৱা যাব।
