কাৰ্বি পাহাৰৰ আঞ্চলিক ৰাজনৈতিক দল এপিএইচএলচিৰ (APHLC) কেইবাটাও দাবীত ডিফুত প্ৰতিবাদ (Protest in Diphu)। অল পাৰ্টি হিলছ লিডাৰ কনফাৰেন্স চমুকৈ এপিএইচএলচিয়ে মুখ্য নিৰ্বাচন আয়ক্ত জ্ঞানেশ কুমাৰৰ পদত্যাগ, পৰিষদীয় নিৰ্বাচনৰ ভোটাৰ তালিকাৰ পৰা খিলঞ্জীয়া অসমীয়া আৰু আদিবাসীৰ বাদে আন অজনজাতীয় লোকৰ নাম কৰ্তন, ইভিএম বাতিল আদি বিভিন্ন দাবীত এই প্ৰতিবাদ সাব্যস্ত কৰে। ইয়াৰ উপৰি জ্ঞানেশ কুমাৰৰ বিৰুদ্ধে দেশজুৰি চলি থকা চিজেপিৰ আন্দোলনৰ প্ৰতিও দলটোৱে মুকলি সমৰ্থন আগবঢ়ায়।
প্ৰতিবাদীসকলে জ্ঞানেশ কুমাৰ মুৰ্দাবাদ, বিজেপি মুৰ্দাবাদ, আৰএছএছ মুৰ্দাবাদ, ভোট চোৰ গাদী ছ’ৰ আদি শ্ল’গানেৰে ডিফু চহৰ উত্তাল কৰি তোলে। লগতে ডিফুৰ কাৰ্বি ক্লাবৰ পৰা জিলা আয়ুক্ত কাৰ্যালয়লৈ এক প্ৰতিবাদী সমদল উলিয়ায়। সমদলৰ অন্তত প্ৰতিবাদকাৰীসকলে জিলা আয়ুক্তক এখন স্মাৰক-পত্ৰ প্ৰদান কৰে। এই প্ৰতিবাদৰ সময়তে প্ৰতিবাদকাৰীসকলে কাৰ্বি আংলং স্বায়ত্ত পৰিষদৰ সচিবালয়ত প্ৰৱেশ কৰাৰ চেষ্টা চলায় যদিও আৰক্ষীয়ে তেওঁলোকক বাধা আৰোপ কৰে। ইয়াৰ পিছত প্ৰতিবাদকাৰীসকলে উক্ত স্থানতে কিছু সময় ধৰ্ণাত বহে।
