কাৰ্বি আংলঙৰ জিলা আয়ুক্ত কৃতি চাচৰাই আজি ডিফু নগৰীয়া আইচিডিএছ প্ৰকল্পৰ অধীনস্থ বিভিন্ন অংগনবাড়ী কেন্দ্ৰ পৰিদৰ্শন কৰে। তেওঁ ধৰমনালা চন্দ্ৰাসিং টেৰন উচ্চতৰ মাধ্যমিক স্কুল এলেকা আৰু বেচিক স্কুল আৰু লুম্বাজং আইচিডিএছ প্ৰকল্পৰ অন্তৰ্গত চুতিয়ানলা এডব্লিউচিৰ আদৰ্শ অংগনবাড়ী কেন্দ্ৰ পৰিদৰ্শন কৰে। তেওঁ কেন্দ্ৰসমূহত শিশুসকলৰ সৈতে মত বিনিময় কৰে।
আনহাতে, কেন্দ্ৰসমূহৰ আন্তঃগাঁথনি, শিক্ষাৰ পৰিৱেশ আৰু বিভিন্ন সা-সুবিধাৰো বুজ লয়। ইয়াৰ উপৰি শিশুসকলৰ প্ৰাথমিক যত্ন, পুষ্টি, শিক্ষণ আৰু সামগ্ৰিক বিকাশৰ ব্যৱস্থা সন্দৰ্ভত অৱগত হয়। জিলা আয়ুক্তগৰাকীয়ে নিৰাপদ, পৰিষ্কাৰ আৰু শিশুৰ অনুকূল পৰিৱেশ বজাই ৰখাত গুৰুত্ব আৰোপ কৰে। এই সময়ছোৱাত তেওঁ সংশ্লিষ্ট বিষয়া আৰু অংগনবাড়ী কৰ্মীসকলক প্ৰতিটো শিশুৰ মংগলৰ বাবে নিজৰ প্ৰচেষ্টা অব্যাহত ৰাখিবলৈ উৎসাহিত কৰে।
