সমগ্ৰ অসম জোকাৰি গৈছে ধিঙৰ নাবালিকা ধৰ্ষণ (Dhing minor rape) কাণ্ডই। ইতিমধ্যে নগাঁও জিলাত সংঘটিত এই ঘটনালৈ ৰাজ্যৰ চৌপাশে ব্যাপক প্ৰতিবাদৰ সৃষ্টি হৈছে। ইফালে আছুৰ আহ্বানত বন্ধ হৈ পৰিছে ধিঙৰ স্বাভাৱিক জীৱন যাত্ৰা। তাৰ মাজতে ধিং কাণ্ডক লৈ প্ৰতিক্ৰিয়া প্ৰকাশ (Reacting) কৰিছে আলফা স্বাধীনে (ULFA-I))।
সংবাদ মাধ্যমলৈ প্ৰেৰণ কৰা এক বিবৃতিত ধিঙত নাবালিকাৰ ধৰ্ষণকাণ্ডত জড়িতক কঠোৰৰ পৰা কঠোৰতম শাস্তি বিহাৰ দাবী (Demand for strictest punishment) জনাইছে। বিবৃতিটোত আলফা স্বাধীনৰ সেনাধ্যক্ষ পৰেশ বৰুৱা (Paresh Baruah, commander-in-chief of ULFA-I)ই কয় যে এই জঘন্য কাণ্ডত জড়িত দোষীক শীঘ্ৰে আটক কৰি ফাঁচি দিব (Demand for hanging) লাগে।
উল্লেখযোগ্য যে এই সন্দৰ্ভত ইতিমধ্যে মুখ্যমন্ত্ৰী ডঃ হিমন্ত বিশ্ব শৰ্মাই সামাজিক মাধ্যমত প্ৰতিক্ৰিয়া ব্যক্ত কৰাৰ লগতে সংবাদ মাধ্যমৰ আগতো নিজৰ প্ৰতিক্ৰিয়া ব্যক্ত কৰিছে। বৰ্তমান বৰাক ভ্ৰমণত থকাই মুখ্যমন্ত্ৰীয়ে কয় যে বিগত দুমাহত অসমত খিলঞ্জীয়া যুৱতী-মহিলাৰ ওপৰত এইটোকে ধৰি মুঠ ২৩ টা ধৰ্ষণ-নিৰ্যাতনৰ ঘটনা সংঘটিত হ’ল। আনহাতে, এই ঘটনাসমূহৰ সৈতে কিছুমান বিশেষ মানুহ জড়িত হৈ থকা বুলিও তেওঁ উল্লেখ কৰে৷
কিন্তু এনে ঘটনাত জড়িতৰ বিৰুদ্ধে চৰকাৰে দৃষ্টান্তমূলক পদক্ষেপ গ্ৰহণ কৰাৰ কথা উল্লেখ কৰি মুখ্যমন্ত্ৰীয়ে কয় যে আমাৰ নামনি, মধ্য আৰু বৰাক উপত্যকাৰ মানুহে এতিয়া ভয় আৰু শংকাত দিন পাৰ কৰিবলগীয়াত পৰিছে৷ এইবোৰ কথা অসমৰ মানুহে বুজাটো ভাল বুলি উল্লেখ কৰি তেওঁ লগতে আমাৰ শত্ৰু কোন, মিত্ৰ কোন আমি চিনাক্ত কৰিব জানিব লাগিব বুলিও উল্লেখ কৰে৷ইয়াৰ উপৰি বিগত লোকসভা নিৰ্বাচনৰ পিছৰে পৰা এটা বিশেষ শ্ৰেণীৰ লোক অধিক সক্ৰিয় হৈ পৰা বুলিও তেওঁ কয়।
