ৰাজ্যৰ বান পৰিস্থিতি প্ৰায় অপৰিৱৰ্তিত হৈ আছে। আনহাতে, চৰকাৰী তথ্য মতে, শেহতীয়া বানত মৃত্যুৰ সংখ্যা ৫২ জনলৈ বৃদ্ধি (Death toll rises to 52) পাইছে। ৰাজ্যিক দুৰ্যোগ প্ৰশমন বিভাগৰ তথ্য মতে, ৰাজ্যখনৰ ২৯ খন জিলা বান (Flood in Assam)ৰ কবলত পৰিছে। আনহাতে, এই জিলাকেইখনৰ ১০৭ টা ৰাজহ চক্ৰৰ ৩২০৮ খন গাঁও বৰ্তমানো জলমগ্ন হৈ আছে। ইয়াৰে বহু ঠাইত দলং আৰু বাট-পথত খহনীয়াৰ সৃষ্টি হৈছে। যাৰ ফলত এই অঞ্চলবোৰত যাতায়াত ব্যৱস্থা ব্যাহত হৈছে।
উল্লেখ্য, চলিত বানত ৰাজ্যৰ মুঠ ২১.১৩ লাখ লোক প্ৰভাৱিত হৈছে। ইফালে ৫৭,০১৮ হেক্টৰ কৃষিভূমি পানীৰ তলত আছে। বৃহস্পতিবাৰে পুনৰ ৬ জন লোকৰ বানত মৃত্যু হৈছে। আনহাতে, ৰাজ্যৰ বিভিন্ন প্ৰান্তৰ আশ্রয় শিবিৰ তথা সাহায্য কেন্দ্ৰত ৭৬৩ লাখ বানাক্ৰান্তই আশ্রয় গ্ৰহণ কৰি আছে।
