বোকাখাত ৰাজহ চক্ৰৰ (Bokakhat Revenue Circle) উদ্যোগত অসম ৰাজ্যিক দুৰ্যোগ ব্যৱস্থাপনা (Assam State Disaster Management), জিলা দুৰ্যোগ ব্যৱস্থাপনা প্ৰাধিকৰণ (District Disaster Management Authority), গোলাঘাট আৰু ইউনিচেফ’ৰ সৌজন্যত বোকাখাত ৰাজহ চক্ৰৰ অধীনত বানপানীৰ সময়ত জৰুৰীকালীন ব্যৱস্থাপনা সূচাৰুৰূপে পৰিচালনা কৰিব পাৰি তাৰ ওপৰত তিনিদিনীয়া কাৰ্যসূচীৰ শুভ উদ্বোধন কৰে অতিৰিক্ত উপায়ুক্ত তথা বোকাখাতৰ ভাৰপ্ৰাপ্ত মহকুমাধিপতি ডাঃ নেহা যাদৱে (Dr Neha Yadav)।
উদ্বোধনী ভাষণত ভাৰপ্ৰাপ্ত মহকুমাধিপতিগৰকীয়ে বানপানী প্ৰশমন (Flood mitigation) তথা ব্যৱস্থাপনাৰ ক্ষেত্ৰত সংশ্লিষ্ট সকলো বিভাগৰ দ্বায়িত্ব – কৰ্তব্য সম্পৰ্কে আলোকপাত কৰাৰ লগতে পূৰ্ব-প্ৰস্তুতি, সজাগতা আৰু সষ্টমতাৰ বাবে আহ্বান জনায়। এই তিনিদিনীয়া অনুশীলন কাৰ্যসূচী বিভিন্ন পৰ্যায়ত বিভিন্ন স্থানত অনুষ্ঠিত কৰা হ’ব।
অহা ইংৰাজী ১৭ মাৰ্চ ২০২৩ তাৰিখে এই অনুশীলন কাৰ্যসূচীৰ লগত সংগতি ৰাখি ধনশিৰিমুখৰ বহিখোৱাত মক ড্ৰিলৰ (mock drill) আয়োজন কৰা হ’ব । উল্লেখযোগ্য যে আগন্তুক ১৭ মাৰ্চত এই তিনিদিনীয়া কাৰ্য্যসূচীৰ সামৰণী অনুষ্ঠান বোকাখাত নাট্য মন্দিৰত অনুষ্ঠিত কৰা হ’ব।
