মুখ্যমন্ত্ৰীয়ে উদ্বোধন কৰিলে ব্ৰহ্মপুত্ৰ পুষ্কৰ মহোৎসৱ

ASSAM TIMES POST

গুৱাহাটীঃ গুৱাহাটীৰ ভৰলুমুখত ব্ৰহ্মপুত্ৰৰ পাৰত ১২ দিনীয়া কাৰ্যসূচীৰে আয়োজিত ব্ৰহ্মপুত্ৰ পুষ্কৰ আৰু সাংস্কৃতিক মহোৎসৱ মঙলবাৰে উদ্বোধন কৰে ৰাজ্যৰ মুখ্যমন্ত্ৰী সৰ্বানন্দ সোণোৱালে। মহোৎসৱখনি উদ্বোধন কৰি মুখ্যমন্ত্ৰী গৰাকীয়ে কয় যে এই মহোৎসৱে ভাতৃত্বৰ এনাজৰী সবল কৰাৰ সমান্তৰালভাৱে ৰাষ্ট্ৰীয় একতা আৰু অখণ্ডতাৰ প্ৰতি সকলোকে সচেষ্ট কৰিব। এক ভাৰত, শ্ৰেষ্ঠ ভাৰতৰ যি লক্ষ্য, সেয়া এই মহোৎসৱে আগবঢ়াই নিব। ইয়াতে মুখ্যমন্ত্ৰীজনে ৰাজ্য তথা দেশৰ প্ৰতিজন জনসাধাৰণৰ মংগলৰ কাৰণে পূজাত বহে। চেন্নাইৰ মহালক্ষ্মী চেৰিটেবল ট্ৰাষ্ট আৰু গুৱাহাটীৰ তিৰুপতি শ্ৰী বালাজী সেৱা সমিতিৰ সহযোগত আয়োজিত এই মহোৎসৱলৈ অহা দিনসমূহত আগমণ ঘটিব কেইবাখনো ৰাজ্যৰ মুখ্যমন্ত্ৰী, কেইবাজনো কেন্দ্ৰীয় মন্ত্ৰী, দক্ষিণ ভাৰতৰ চলচ্চিত্ৰ জগতৰ কেইবাজনো তাৰকা তথা দেশৰ ২ লাখ ভক্তৰ।