ডিফু, 6 নৱেম্বৰ: শাৰদীয় দুৰ্গোৎসৱ আৰু পোহৰৰ উৎসৱ দিপাৱলী উপলক্ষে অসমৰ মাননীয় মুখ্যমন্ত্ৰী ড’ হিমন্ত বিশ্ব শৰ্মাই কাৰ্বি আংলং আৰু পশ্চিম কাৰ্বি আংলং জিলাৰ চৰকাৰী ভাৱে স্বীকৃতিপ্ৰাপ্ত সাংবাদিকসকলৈ প্ৰেৰণ কৰা শুভেচ্ছাসুচক উপহাৰ আজি আনুষ্ঠানিকভাৱে বিতৰণ কৰা হয়।
এই উপলক্ষে কাৰ্বি আংলং সায়ত্ত শাসিত পৰিষদৰ নতুন সচিবালয়ৰ সন্মিলন কক্ষত আয়োজিত এক বিশেষ অনুষ্ঠানত মুখ্য কাৰ্য্যবাহী সদস্য তথা বিধায়ক ড’ তুলিৰাম ৰংহাঙে অসম চৰকাৰৰ তথ্য আৰু জনসংযোগ বিভাগৰ দ্বাৰা স্বীকৃতিপ্ৰাপ্ত কাৰ্বি আংলং আৰু পশ্চিম কাৰ্বি আংলঙৰ সাংবাদিকসকলৰ হাতত মুখ্যমন্ত্ৰীৰ তৰফৰ পৰা প্ৰেৰণ কৰা উপহাৰ টোপোলাসমুহ আনুষ্ঠানিকভাৱে অৰ্পণ কৰে । অনুষ্ঠানত বিভাগীয় কাৰ্য্যবাহী সদস্য মথুৰাম লেকথে,অসম বিধান সভাৰ উপাধ্যক্ষ ডা: হাবে টেৰন , কাৰ্য্যবাহী সদস্য দ্বয় ৰিচাৰ্চ টকবি, ৰীটেশ ইংহি আৰু পাৰিষদ দ্বয় জনী তিমুং আৰু ডা: মংৱে ৰংপি উপস্থিত থাকে ।
অনুষ্ঠানত ভাষন প্ৰসংগত মুখ্য কাৰ্য্যবাহী সদস্য ড’ তুলিৰাম ৰংহাঙে মুখ্যমন্ত্ৰীৰ উৎসৱকালীন শুভেচ্ছা উপহাৰ লাভ কৰা কাৰ্বি আংলং আৰু পশ্চিম কাৰ্বি আংলঙৰ সাংবাদিকসকলক অভিনন্দন জ্ঞাপন কৰে । তেওঁ চৰকাৰীভাৱে স্বীকৃতিপ্ৰাপ্ত সাংবাদিকসকলক মুখ্য কাৰ্য্যবাহী সদস্যৰ সাংবাদিক উৎকৃষ্ট বটাঁ প্ৰদান কৰা হব বুলি উল্লেখ কৰি অহা জানুৱাৰীত সাংবাদিকসকলক একোখনকৈ লেপটপ প্ৰদান কৰা হব বুলি অনুষ্ঠানত ঘোষণা কৰে।
অনুষ্ঠানত বিভাগীয় উপ- সচিব বিদ্যাশ্রী লাংথাছা, উপ – সঞ্চালক জাহিদ এ তাপাদাৰ, বিভাগীয়া বিষয়া কৰ্মচাৰী আৰু স্বীকৃতিপ্ৰাপ্ত সাংবাদিকসকলক উপস্থিত থাকে।
