অবৈধ গৰু সৰবৰাহৰ (Illegal cow supply) বিৰুদ্ধে অসম আৰক্ষীৰ অভিযান (Assam Police operation) অব্যাহত আছে। গৰুৰ চোৰাং ব্যৱসায়, অবৈধ সৰবৰাহ আৰু গোহত্যাৰ বিৰুদ্ধে অসম আৰক্ষী অধিক সষ্টম হৈ পৰিছে। যাৰ ফলত বিগত কেইবা দিনত ভালেসংখ্যক চোৰাং গৰুসহ কেইবাজনো সৰবৰাহকাৰী গ্ৰেপ্তাৰ হৈছে। শেহতীয়াকৈ ধুবুৰীত অবৈধ গৰু সৰবৰাহৰ (Illegal cattle supply in Dhubri) ঘটনাত ৩ জন ব্যক্তিক গ্ৰেপ্তাৰ (Three people arrested) কৰা হৈছে। নদী পথেৰে গৰু সৰবৰাহৰ চেষ্টা কৰাৰ অপৰাধত ২০টা গৰুসহ লোককেইজনক আৰক্ষীয়ে গ্ৰেপ্তাৰ কৰে।
এই সন্দৰ্ভত মুখ্যমন্ত্ৰী ডঃ হিমন্ত বিশ্ব শৰ্মাই সামাজিক মাধ্যমত লিখিছে, “গৰুৰ নামত অবৈধ বেহা চলোৱাসকলৰ বাবে আৰক্ষীৰ বার্তা স্পষ্ট— গৰু এশ হওক বা একুৰি, নদীপথতো ধৰিম খেদি খেদি…”
ফেচবুকৰ পোষ্টটোত মুখ্যমন্ত্ৰীয়ে লগতে লিখিছে, “আমাৰ সভ্যতা-সংস্কৃতি আৰু কৃষি অৰ্থনীতিৰ আধাৰ পশুধনৰ অবৈধ সৰবৰাহৰ বিৰুদ্ধে আমাৰ অসম আৰক্ষীৰ কঠোৰ অভিযান অব্যাহত আছে। তাৰেই প্ৰতিফলন হিচাপে কালি ধুবুৰী আৰক্ষীয়ে নাৱেৰে অবৈধভাৱে সৰবৰাহ কৰা ২০টা গৰু উদ্ধাৰ কৰি ৩জন লোকক গ্ৰেপ্তাৰ কৰিছে। লগতে এই অবৈধ সৰবৰাহৰ আঁৰৰ আৰু পূৰ্বৰ সংযোগসমূহ বিচাৰি তদন্ত অব্যাহত ৰাখিছে।”
তেওঁ লগতে লিখিছে, “গোধনৰ সুৰক্ষা আমাৰ দায়িত্ব। পশুধনৰ অবৈধ সৰবৰাহৰ সৈতে জড়িত কোনো লোকেই আইনৰ কঠোৰ শাস্তিৰ পৰা সাৰি যাব নোৱাৰিব।”
