দেশৰ বিমানবন্দৰৰ ইমিগ্ৰেচন (Airport immigration) কাউণ্টাৰত আৰু বিদেশ ভ্ৰমণৰ সময়ত যাত্ৰীৰ ব’ৰ্ডিং পাছত (Passenger’s boarding pass) ষ্টাম্প নাথাকিব (No stamp)। গৃহ পৰিক্ৰমা মন্ত্ৰালয়ৰ অধীনস্থ ব্যুৰো অৱ ইমিগ্ৰেচনে এইবাৰ বৰ্তমানৰ নিয়ম সলনি কৰাৰ সিদ্ধান্ত গ্ৰহণ কৰিছে। নতুন নিয়ম অনুসৰি মোবাইলত ই-ব’ৰ্ডিং পাছ (E-boarding pass on mobile) দেখুৱাই এই প্ৰক্ৰিয়া সম্পূৰ্ণ কৰিব পাৰিব। ১ ছেপ্টেম্বৰৰ পৰা কাৰ্যকৰী হ’ব এই নতুন নিয়ম।
অৱশ্যে ইমিগ্ৰেচন চেণ্টাৰত ইলেক্ট্ৰনিক আৰু প্ৰিণ্টেড দুয়োটা ব’ৰ্ডিং পাছ গ্ৰহণ কৰা হ’ব। সংবাদ সংস্থা এএনআইক এজন বিষয়াই কয়, “ইমিগ্ৰেচন কাউণ্টাৰত ফিজিকেল ব’ৰ্ডিং পাছ আৰু ই-ব’ৰ্ডিং পাছ দুয়োটা দেখুৱাব পাৰিব। কেৱল ব’ৰ্ডিং পাছত ষ্টাম্প লগোৱাৰ ব্যৱস্থাটোহে বন্ধ কৰা হৈছে।” কৰ্তৃপক্ষৰ মতে, যাত্ৰীসকলৰ বাবে অনুপ্ৰৱেশ প্ৰক্ৰিয়া অধিক সুবিধাজনক আৰু সুশৃংখলিত কৰাৰ বাবেই এই পদক্ষেপ গ্ৰহণ কৰা হৈছে।
ইমিগ্ৰেছন কৰ্তৃপক্ষই ব’ৰ্ডিং পাছত ষ্টাম্প লগোৱাৰ বাবে যাত্ৰীসকলে বিভিন্ন ক্ষেত্ৰত সমস্যাৰ সন্মুখীন হোৱাৰ অভিযোগ উত্থাপন হৈছিল। চৰকাৰী সূত্ৰৰ পৰা পোৱা তথ্যৰ ভিত্তিত পিটিআয়ে প্ৰকাশ কৰা অনুসৰি, বহু ক্ষেত্ৰত ষ্টাম্প এনেদৰে লগোৱা হৈছিল যে ব’ৰ্ডিং পাছত লিখাখিনি পঢ়িবলৈ টান হৈছিল। এই সন্দৰ্ভত যাত্ৰীসকলৰ কিছু উদ্বেগ কৰ্তৃপক্ষৰ দৃষ্টিগোচৰ হয়। ফলত ব’ৰ্ডিং পাছত বাধ্যতামূলকভাৱে ষ্টাম্প লগোৱাৰ প্ৰক্ৰিয়া বন্ধ কৰাৰ সিদ্ধান্ত লোৱা হৈছে বুলি পিটিআইৰ সূত্ৰই দাবী কৰিছে।
ব্যুৰো অৱ ইমিগ্ৰেচনৰ এই সিদ্ধান্তৰ ফলস্বৰূপে অহা মাহৰ পৰা ভাৰতীয় বিমানবন্দৰৰ পৰা বিদেশলৈ যোৱাৰ সময়ত আৰু ছপা ব’ৰ্ডিং পাছ লগত নহ’লেও হ’ব। বিদেশী যাত্ৰীসকলে মোবাইলত ই-ব’ৰ্ডিং পাছ দেখুৱাই ইমিগ্ৰেছন প্ৰক্ৰিয়া সম্পূৰ্ণ কৰিব পাৰিব। অৱশ্যে কোনো যাত্ৰীয়ে ইচ্ছা কৰিলে ইমিগ্ৰেছন কাউণ্টাৰত ছপা ব’ৰ্ডিং পাছও দেখুৱাব পাৰে।
