পাহাৰৰ দাঁতিত থিয় হৈ এটি কিশোৰে পিতৃক ভাবুকি দি আছে, “তুমি আগবাঢ়ি আহিলে মই জঁপিয়াই দিম।” কিশোৰজনৰ পিতৃ-মাতৃ কেইফুটমান দূৰৈত থিয় হৈ আছে। তেওঁলোকে বাৰে বাৰে পুত্ৰক পতিয়ন নিয়াবলৈ চেষ্টা কৰি আছে। কিন্তু কিশোৰজনে একো শুনিবলৈ ইচ্ছুক নাছিল। তিনি ঘণ্টা এনেকৈয়ে পাৰ হৈ গ’ল। কিশোৰজনৰ পিতৃ-মাতৃয়ে অনুৰোধ কৰি থাকিল, “তুমি তাৰ পৰা আঁতৰি আহা। এই কাম নকৰিবা।” মাতৃয়ে পুত্ৰৰ লগত কথা পাতি থাকিল। সেই সুযোগতে পিতৃয়ে পুত্ৰক থিয় গৰাৰ পৰা আঁতৰাই টানি আনিবলৈ চেষ্টা কৰিলে। কিন্তু টনা-আঁজোৰাত পিতৃ-পুত্ৰ দুয়োজনেই তলত গৈ পৰে। চকুৰ সন্মুখত পুত্ৰ আৰু স্বামীক খাৱৈত পৰি যোৱা দেখি মহিলাগৰাকীয়েও নিজকে স্থিৰে ৰাখিব নোৱাৰিলে। তেৱোঁ জপিয়াই দিয়ে।
পিছত তিনিওজনৰ মৃতদেহ উদ্ধাৰ (bodies of three were recovered) হয়। মহাৰাষ্ট্ৰৰ ছত্ৰপতি শম্ভাজীনগৰ জিলা (Shambhajinagar district of Maharashtra)ত সংঘটিত হৈছে এই ঘটনা। প্ৰত্যক্ষদৰ্শীয়ে জনোৱা মতে, শুকুৰবাৰে পুৱা ১০ বজাত এটি কিশোৰ পাহাৰৰ দাঁতিলৈ গৈছিল। পিতৃ-মাতৃও পিছে পিছে যায়। গাঁওবাসীয়েও কিশোৰজনক পতিয়ন নিয়াই ঘৰলৈ নিবলৈ আহিছিল। তেওঁৰ কিবা এটা হ’লে পিতৃ-মাতৃৰ কি হ’ব, তেওঁলোকৰ ভৱিষ্যত কি হ’ব ইত্যাদি বিভিন্ন ধৰণে তেওঁক পতিয়ন নিয়াবলৈ চেষ্টা কৰিছিল যদিও কিশোৰজনে নিজৰ সিদ্ধান্তত অটল হৈ থাকে। তেতিয়াই দুৰ্ঘটনাটো সংঘটিত হয়। তেওঁক বচাবলৈ চেষ্টা কৰি থাকোঁতে পিতৃ আৰু পুত্ৰ দুয়োজনেই তলত পৰে। লগে লগে কিশোৰজনৰ মাতৃয়েও জঁপিয়াই দিয়ে।
এই মৰ্মান্তিক ঘটনাটো সংঘটিত হৈছে এটা আইফোনৰ বাবে (incident happened for the iPhone)। আইফোনৰ কিস্তিক লৈ সৃষ্টি হোৱা পাৰিবাৰিক অশান্তিৰ এয়া এক ভয়াৱহ পৰিণতি। যাৰ ফলত ১৮ বছৰীয়া এটি কিশোৰৰ আত্মহত্যাৰ প্ৰচেষ্টাক কেন্দ্র কৰি মৃত্যু হয় একেটা পৰিয়ালৰ তিনিজন সদস্যৰ।
আৰক্ষী সূত্রে জানিব পৰা মতে, মৃত কিশোৰজনৰ নাম কুণাল চন্দগুড়ে (Name of the dead teenager is Kunal Chandgude)। তেওঁৰ পিতৃ মূৰলীধৰ চন্দগুড়ে (৪৮) পেছাত এগৰাকী গাড়ীচালক আৰু পৰিয়ালটোৰ একমাত্র উপার্জনকাৰী আছিল। আনহাতে, মাতৃৰ নাম সঙ্গীতা চন্দগুড়ে।
আৰক্ষীৰ দাবী, কুণালে এটি আইফোন কিনিছিল। ফোনটিৰ কিস্তি মাৰিবৰ বাবে তেওঁ ঘৰৰ পৰা টকা বিচাৰিছিল। কিন্তু পৰিয়ালটোৰ আর্থিক অৱস্থা ভাল নোহোৱাত পিতৃয়ে সেই টকা দিব পৰা নাছিল। তাৰ পৰাই ঘৰখনত অশান্তি আৰম্ভ হয়। পিতৃৰ সৈতে কাজিয়া লাগি কুণাল ঘৰৰ পৰা ওলাই খাভদ্যা পাহাৰলৈ গুচি যায়। শুকুৰবাৰে পুৱা ১০ বজাত তেওঁ পাহাৰখনত উঠি তাৰ জঁপিয়াই নিজৰ জীৱন শেষ কৰাৰ ভাবুকি দি থাকে। খবৰ পোৱা মাত্ৰে পিতৃ-মাতৃও তাত গৈ উপস্থিত হয়। লগতে স্থানীয় লোক, আৰক্ষী আৰু অগ্নিনিৰ্বাপক বাহিনীও ঘটনাস্থলীত উপনীত হয়। কিন্তু সকলোৰে সন্মুখতে এই কৰুণ ঘটনাটি সংঘটিত হয়।
