তুলিৰাম ৰংহাঙৰ পুত্ৰ ছেংদন ৰংহাঙৰ ঘৰৰ সন্মূখত গৌৰৱ গগৈৰ ফেইছ বুক লাইভৰ ডিফুত সোমবাৰে বিৰোধিতা কৰে বিভিন্ন জনজাতীয় দল- সংগঠনে প্ৰদেশ কংগ্ৰেছৰ সভাপতি গৌৰৱ গগৈয়ে তেওঁৰ শেহতীয়া ডিফু ভ্ৰমণ কালত নিৰ্মীয়মান অৱস্থাত থকা এটা প্ৰসাদোপম ঘৰৰ সন্মুখত Facebook Live কৰি সেই ঘৰটোৰ গৰাকী কাৰ্বি আংলঙৰ CEM তুলিৰাম ৰংহাঙৰ বুলি ইংগিত প্ৰদান কৰিছিল।
গৌৰৱ গগৈৰ এই Facebook Live ৰ পিছতে কাৰ্বি আংলঙৰ কাৰ্বি, ডিমাছা, ৰেংমা, কুকি ছাত্ৰ সন্থাৰ নেতৃত্বই সংবাদ মেলযোগে তীব্ৰ প্ৰতিক্ৰিয়া প্ৰকাশ কৰি প্ৰথম শ্ৰেণীৰ ঠিকাদাৰ পুত্ৰ ছিংদন ৰংহাঙে সাজি থকা ঘৰটোকে CEM ৰংহাঙৰ বুলি উল্লেখ কৰি গৌৰৱ গগৈয়ে নিকৃষ্ট ৰাজনীতি কৰা বুলি ক্ষোভ ব্যক্ত কৰিছে।
কংগ্ৰেছ শাসনৰ আমোলত জনজাতীয় ৰাইজক জংঘলত ৰখা বুলি মন্তব্য কৰি এতিয়া জনজাতীয় ৰাইজৰ উন্নতি কংগ্ৰেছ সভাপতিগৰাকীৰ সহ্য হোৱা নাই বুলি সংবাদ মেলত উল্লেখ কৰে ছাত্ৰ সংগঠনসমূহৰ নেতৃত্বই।সৎ সাহস থাকিলে গগৈক গুৱাহাটীৰ ছাৰ্ভেত থকা তেওঁৰ বাসগৃহ অথবা সাংসদ প্ৰদ্যুৎ বৰদলৈ বা ৰকিবুল হুছেইনৰ বিশাল অট্টালিকাৰ সন্মুখত Facebook Live কৰিবলৈ সংবাদ মেলত আহ্বান জনোৱা হয়।
জনজাতীয় ৰাইজক অপমান কৰাৰ উদ্দেশ্যেৰে পুনৰ কাৰ্বি আংলঙলৈ আহিলে গৌৰৱ গগৈক জিলাখনত প্ৰৱেশ নিষিদ্ধ কৰিবলৈ বাধ্য হ’ব বুলি উল্লেখ কৰা হয়।সংসদৰ বিৰোধী দলৰ উপ-দলপতিৰ দৰে আসনত থাকি কাৰোবাৰ ব্যক্তিগত ঘৰৰ সন্মুখত থিয় হৈ Facebook Live কৰাটো শোভা নাপায়, ই অতি নিম্ন ৰুচিৰ কাম বুলি সংবাদ মেলত উল্লেখ কৰা হয়।সংবাদ মেলৰ অন্তত প্লে কাৰ্ড প্ৰদৰ্শন কৰি জনজাতীয় ছাত্ৰ সংগঠনসমূহৰ নেতৃত্বই গৌৰৱ গগৈৰ কাৰ্যৰ বিৰোধ সাব্যস্ত কৰে।
