গুজৰাটৰ এটা মন্দিৰত চুৰি (Gujarat temple burglary) লাখ লাখ টকাৰ সোণৰ গহনা। জানিব পৰা মতে, পঞ্চমহল জিলা (Panchamahal District)ৰ পাভগড় পাহাৰৰ এটি কালী মন্দিৰ (Kali Mandir)ৰ পৰা কেইদিনমানৰ ভিতৰতে ৭৮ লাখ টকাৰ সোণ চুৰি (Gold worth Rs 78 lakh stolen) হয়। এই ঘটনাত এসপ্তাহৰ তালাচীৰ অন্তত আৰক্ষীয়ে গ্ৰেপ্তাৰ কৰে এজন ব্যক্তিক।
আৰক্ষীৰ সূত্ৰ অনুসৰি, অভিযুক্তৰ নাম বিদুৰভাই বাছাব। চুৰাটৰ পৰা তেওঁক গ্ৰেপ্তাৰ কৰা হয়। অভিযুক্তৰ পৰা উদ্ধাৰ হয় ৬ ডাল সোণৰ হাৰ। যাৰ বজাৰ মূল্য ৭৮ লাখ টকাৰো অধিক। যোৱা ২৮ অক্টোবৰত চুৰি হৈছিল এই গহনাখিনি।
আৰক্ষী অধীক্ষক হিমাংশু চোলাংকিয়ে জনোৱা মতে, স্থানীয় থানাৰ আৰক্ষীয়ে অঞ্চলটোৰ চিচিটিভি ফুটেজ পৰীক্ষা কৰি অভিযুক্তক চিনাক্ত কৰে। ইয়াৰ উপৰি আৰক্ষীয়ে স্থানীয় একাংশ সূত্ৰৰ সহায়ত চোৰজনক ধৰিবলৈ সক্ষম হয়। মন্দিৰ আৰু ইয়াৰ আশেপাশে থকা ১৫০টা চিচিটিভি ফুটেজ পৰীক্ষা কৰা হয়। সেই ফুটেজত এজন ব্যক্তিক বাইক লৈ মন্দিৰৰ সন্মুখত ঘূৰি ফুৰা দেখা গৈছিল। ইয়াৰ পিছত তেওঁক চিনাক্ত কৰা হয়। আৰক্ষীয়ে পঞ্চমহল জিলাৰ পৰা ২০০ কিলোমিটাৰ নিলগৰ ঘৰ এটাৰ পৰা বিদুৰভাইক গ্ৰেপ্তাৰ কৰে। তেওঁৰ পৰা চুৰি হোৱা সোণৰ গহনা উদ্ধাৰ কৰা হৈছে বুলি আৰক্ষী অধীক্ষকে জানিবলৈ দিয়ে।
