দেওবাৰে দিল্লীৰ ৰোহিনীৰ চিআৰপিএফ স্কুলৰ সমীপত সংঘটিত হয় এক বিস্ফোৰণ (Bomb Threat)। ঘটনাৰ তদন্তৰ পাছতে দিল্লী, হায়দৰাবাদকে ধৰি দেশৰ কেইবাখনো চিআৰপিএফৰ বিদ্যালয়লৈ পুনৰ বোমা বিস্ফোৰণৰ ভাবুকি দিয়া হয়।
সংবাদ সংস্থা এএনআয়ে এক সূত্ৰৰ উদ্ধৃতিৰে প্ৰকাশ কৰা অনুসৰি, সোমবাৰে নিশা বিদ্যালয়সমূহলৈ ইমেইলৰ জৰিয়তে ভাবুকি প্ৰেৰণ কৰা হৈছিল। দিল্লীৰ চিআৰপিএফ বিদ্যালয়ত সংঘটিত বিস্ফোৰণৰ কিছু ঘণ্টাৰ ভিতৰতে দেশৰ আন কেইবাখনো চিআৰপিএফ বিদ্যালয় একেধৰণৰ ভাবুকিৰ সন্মুখীন হৈছে।
সূত্ৰটোৱে দাবী কৰা মতে, সোমবাৰে নিশা দিল্লীৰ দুখন চিআৰপিএফ স্কুল আৰু হায়দৰাবাদৰ এখন বিদ্যালয়ক ইমেইলযোগে ভাবুকি দিয়া হৈছিল। উক্ত বাৰ্তা লাভ কৰাৰ পিছত বিদ্যালয় কৰ্তৃপক্ষই দিল্লী আৰক্ষীৰ সৈতে যোগাযোগ কৰে।
