২৫-২৬ আগষ্ট নহয়, কংগ্ৰেছৰ এক সূত্ৰই জনোৱা মতে মহাৰাষ্ট্ৰৰ ৰাজধানী মুম্বাইত (In Mumbai, the capital of Maharashtra) বিৰোধী মিত্ৰজোঁট ‘ইণ্ডিয়া’ৰ পৰৱৰ্তী বৈঠক (Next meeting of alliance ‘India’) অহা ৩১ আগষ্ট আৰু ১ ছেপ্টেম্বৰত (August 31 and September 1) হ’ব পাৰে। এই বিষয়টো ইতিমধ্যে তৃণমূল নেত্ৰী মমতা বেনাৰ্জীকে ধৰি বিৰোধী মিত্ৰজোঁটৰ আন নেতাসকলৰ সৈতে আলোচনা হৈছে। ইয়াৰ লগত জড়িত সকলো পক্ষৰ সহমতৰ ভিত্তিত অহা সপ্তাহত এই তাৰিখ ঘোষণা কৰা হʼব।
সূত্ৰ অনুসৰি, অহা ৩১ আগষ্টৰ সন্ধিয়াৰ পৰা মুম্বাইৰ বৰিৱালি অঞ্চলৰ সঞ্জয় গান্ধী ৰাষ্ট্ৰীয় উদ্যানৰ সমীপৰ পোৱাই হ্ৰদৰ পাৰৰ এখন হোটেলত এই বৈঠক আৰম্ভ হʼব। বাংগালুৰুৰ দৰেই সেইদিনা নিশাও হয়তো নৈশভোজনৰ আলোচনা হʼব পাৰে।
১ ছেপ্টেম্বৰত অনুষ্ঠিত হʼব মূল বৈঠক। ‘ইণ্ডিয়া’ বৈঠকৰ আয়োজন কৰিছে ‘মহাবিকাশ আঘাদী’ মিত্ৰজোঁটৰ তিনিওটা অংশীদাৰ কংগ্ৰেছ, শিৱসেনা আৰু এনচিপিয়ে।২৩ জুনত বিহাৰৰ মুখ্যমন্ত্ৰী নীতিশ কুমাৰে ২০২৪ চনৰ লোকসভা নিৰ্বাচনত বিজেপিৰ বিৰুদ্ধে ঐক্যবদ্ধ যুঁজৰ দিশ বিচাৰি পাটনাত ১৫টা বিজেপি বিৰোধী দলৰ শীৰ্ষ নেতাৰ প্ৰথমখন বৈঠকৰ আয়োজন কৰে।
ইয়াৰ পিছত ১৭-১৮ জুলাইত কংগ্ৰেছশাসিত কৰ্ণাটকৰ ৰাজধানী বেংগালুৰুত আয়োজন কৰা বৈঠকত ২৬টা দলে অংশগ্ৰহণ কৰে। মিত্ৰজোঁটৰ নতুন নাম ৰখা হয় ‘ইণ্ডিয়া’। তাৰ লগে লগে কংগ্ৰেছ নেতৃত্বাধীন ইউপিএ মিত্ৰতাৰ অস্তিত্ব কাৰ্যত শেষ হৈ যায়। সূত্ৰৰ পৰা জানিব পৰা মতে, মুম্বাইত অনুষ্ঠিত হোৱা বৈঠকত আন কিছু দল দেখা যাব পাৰে।
