ইভা আচাওঃ গুণে-ৰূপে অপ্ৰতিদ্বন্দী আছিল এইগৰাকী অভিনেত্ৰী। ফিল্মফেয়াৰৰ কভাৰত স্থান লাভ কৰা প্ৰথমগৰাকী অসমীয়া অভিনেত্ৰী আছিল ইভা আচাও। অভিনয়ৰ প্ৰতি থকা হেঁপাহৰ ফলতেই তেওঁ চৈধ্য বছৰ বয়সতেই নটসূৰ্য্য ফণী শৰ্মা দেৱৰ ছবি “পিয়লি ফুকন” ত অভিনয় কৰিবৰ বাবে কলিকতা পাইছিলগৈ। বলীউডত অভিনয় কৰাৰো সুবিধা পাইছিল যদিও অভিনেত্ৰী গৰাকীয়ে ব্যক্তিগত কাৰণবশতঃ যাব পৰা নাছিল।
সুশান্ত সিং ৰাজপুতঃ ২০২০ চনৰ আজিৰ দিনটোতেই মৃত্যুক আঁকোৱালি লোৱা এইগৰাকী অভিনেতাৰ মৃত্যুৱে সমগ্ৰ বিশ্বকেই শোকাহত কৰি তুলিছিল। কম দিনৰ ভিতৰত অভিনয় জগতখনত দপদপাই আছিল অভিনেতা গৰাকী। “পবিত্ৰ ৰিষ্টা” ৰ মানৱৰ চৰিত্ৰ ৰূপায়ণ কৰি দৰ্শকৰ হৃদয় জিনা এইগৰাকী অভিনেত্ৰী “এম এচ ধোনী” ত কৰা অভিনয়ক আজি পৰ্যন্ত পাহৰিব পৰা নাই। তেওঁৰ মৃত্যুৱে প্ৰভাৱ পেলাইছিল বলীউড ক্ষেত্ৰখনত। তেখেতৰ অনুপস্থিতিয়ে আজিও মৰ্মাহত কৰে বহু অনুৰাগীক।
Assam Times Post is an Online Assamese and English News Portal from Assam.
