পুনৰ মাওবাদীৰ আক্ৰমণ (Maoist attack)। এইবাৰ ছত্তীশগড়ৰ দন্তেৱাড়াত (Dantewada in Chhattisgarh) তেজৰ নৈ বৈ যায়। সূত্ৰ অনুসৰি, মাওবাদীয়েই এই বিস্ফোৰণৰ কাৰণ। কমেও ১০ জন আৰক্ষী জোৱানৰ মৃত্যুৰ (10 policemen killed) আশংকা কৰা হৈছে।
জানিব পৰা মতে, দন্তেৱাড়াৰ অৰণপুৰৰ সমীপৰ এটা অঞ্চলত মাওবাদীয়ে ঘটোৱা বিস্ফোৰণত আৰক্ষীকেইজনৰ মৃত্যু হয়। সূত্ৰ অনুসৰি, আৰক্ষী জোৱান (জিলা ৰিজাৰ্ভ গাৰ্ড) মাওবাদী দমন অভিযানৰ পৰা উভতি আহিছিল। সেই সময়ত মাওবাদীয়ে আই ই ডি বিস্ফোৰণ কৰিছিল। সেইবাবেই গাড়ীত থকা ১০ জন আৰক্ষীৰ মৃত্যু হয়। চালকজনৰো মৃত্যু হয়।
শেহতীয়াকৈ চি পি আই-মাওবাদীক উদ্দেশ্যি এখন পত্ৰ প্ৰচাৰ কৰা হৈছিল। তাত নিষিদ্ধ ৰাজনৈতিক দলটোৱে আৰক্ষী আৰু নিৰাপত্তাৰক্ষীক আক্ৰমণ কৰিব বুলি জানিবলৈ দিয়ে।
