আঙুলিৰ বিষৰ বাবে চামুচ ধৰি ৰখাটো কঠিন হৈ পৰিছে। আঙুলি আৰু হাতৰ কব্জাত অচেনতা। সকলোবোৰ অত্যধিক মোবাইল ফোন ব্যৱহাৰৰ ফল। দিনক দিনে মোবাইলৰ ব্যৱহাৰ বৃদ্ধি পাইছে। মোবাইল অবিহনে জীৱন ব্যতিত কৰাৰ এটা দিনো কল্পনা কৰিব নোৱাৰি।
পুৱা সাৰ পাই উঠি ফেচবুকত স্ক্ৰল কৰাৰ পৰা আৰম্ভ কৰি ৰাতি ৱেব চিৰিজ চোৱালৈকে, অফিচৰ মেইলৰ উত্তৰ দিয়াৰ পৰা আৰম্ভ কৰি বন্ধু-বান্ধৱীৰ সৈতে গ্ৰুপ চেট কৰালৈকে—মোবাইল অবিহনে একো সম্ভৱ নহয়। কিন্তু মোবাইল ফোনৰ অত্যধিক ব্যৱহাৰৰ বাবে বিভিন্ন ৰোগে শৰীৰত শিপাইছে। আমি কি কি ৰোগৰ ফালে আগুৱাই গৈ আছো জানি লও আহক
১) উচ্চ ৰক্তচাপ থকাসকলৰ বাবে মোবাইলত কথা পাতিলে ডিঙি আৰু কান্ধৰ বিষৰ সৈতে মাইগ্ৰেইনৰ মূৰৰ বিষ হোৱাৰ সম্ভাৱনা বৃদ্ধি পায়।
২) মোবাইলত দীৰ্ঘদিনলৈ মেছেজ কৰিলে আঙুলি আৰু হাতৰ কব্জাৰ সমস্যা হ’ব পাৰে। যাৰ নাম Text Claw আৰু Cell Phone Elbow । চিকিৎসাৰ ক্ষেত্ৰত এই সমস্যাক কিউবিটেল টানেল চিনড্ৰম বুলি কোৱা হয়। অবিৰতভাৱে মেছেজিং কৰিলে বুঢ়া আঙুলি, তৰ্জনী আঙুলি আৰু মধ্যমা আঙুলিৰ অতিমাত্ৰা ব্যৱহাৰ কৰা হয়। ফলত আঙুলি দুটাৰ ওচৰৰ স্নায়ুত অতিৰিক্ত চাপ পৰে। ইয়াৰ ফলত আঙুলিটো প্ৰথমতে অজ্ঞান অনুভৱ হয়।
৩) দিনে-ৰাতিয়ে মোবাইল লগত ৰাখি আনকি বাথৰুমত আৰু শুই থকাৰ সময়তো লগত লৈ যোৱা মানুহৰ পেশী আৰু স্নায়ুত অতিৰিক্ত চাপ পৰে। ইয়াৰ ফলত ষ্ট্ৰেইন ইনজুৰিৰ সম্ভাৱনা বৃদ্ধি পায়। অৰ্থাৎ মাজে মাজে তীব্ৰ বিষত ভুগিব পাৰে।
৪) বিভিন্ন গৱেষণাৰ পৰা দেখা গৈছে যে মোবাইল ফোন ৰেডিয়চনে পুৰুষৰ শুক্ৰাণুৰ সংখ্যা হ্ৰাস কৰিব পাৰে। অধ্যয়নত দেখা গৈছে যে অত্যধিক মোবাইল ব্যৱহাৰ পুৰুষৰ বন্ধ্যাত্বৰ অন্যতম কাৰণ।
৫) এতিয়া বহু লোক অনিদ্ৰাত ভুগিছে। ইয়াৰ অন্যতম কাৰণ হʼল মোবাইল ফোনৰ অত্যধিক ব্যৱহাৰ। বিভিন্ন গৱেষণাৰ পৰা জানিব পৰা গৈছে যে ৰাতি মোবাইল ফোন ব্যৱহাৰ কৰাৰ অভ্যাসে টোপনিত ব্যাঘাত জন্মায়, যাৰ ফলত টোপনি পলম হয়।
