মহাৰাষ্ট্ৰত (Maharashtra) গুলেন বেৰীৰ (Gulen Bury) পৰিস্থিতি এতিয়াও আতংকজনক হৈ আছে। এই পৰ্যন্ত কেৱল মহাৰাষ্ট্ৰতে প্ৰায় ২০০ জন লোক (200 people) গুলেন বেৰী চিণ্ড্ৰমত (Gulen Bury Syndrome) আক্ৰান্ত (Affected) হৈছে। মৃত্যুৰ সংখ্যাও বৃদ্ধি (Death toll rises) পাইছে। আনহাতে, বৰ্তমানেও চিকিৎসালয়ত সংকটজনক অৱস্থাত বহুকেইজন চিকিৎসাধীন হৈ আছে।
সংবাদ মাধ্যমৰ সূত্ৰ অনুসৰি, সোমবাৰে মহাৰাষ্ট্ৰৰ স্বাস্থ্য বিভাগে জনাইছে যে মহাৰাষ্ট্ৰত বৰ্তমানলৈকে ১৯২ জন লোক গুলেন বেৰী চিণ্ড্ৰমত আক্ৰান্ত হৈছে। ইয়াৰে ১৬৭ টা নমুনা পৰীক্ষা কৰা হৈছে আৰু পজিটিভ ৰিপ’ৰ্ট পোৱা গৈছে। এই চিণ্ড্ৰমত ৭ জন লোকৰ মৃত্যু (7 people died) হৈছে। ইয়াৰে এজনৰ ধৰা পৰিছে যদিও বাকী ছয়জনৰ মৃত্যুৰ প্ৰকৃত কাৰণ এতিয়াও নিশ্চিত কৰিব পৰা নাই স্বাস্থ্য বিভাগে।
বৰ্তমান গুলেন বেৰী চিণ্ড্ৰমৰ বাবে চিকিৎসালয়খনৰ আই চি ইউত ভৰ্তি হৈ আছে ৪৮জন লোক। আন ২১জন লোক ভেণ্টিলেচন ছাপ’ৰ্টত আছে। মাত্ৰ ৯১ জন লোকক চিকিৎসালয়ৰ পৰা যাবলৈ দিয়া হৈছে। মহাৰাষ্ট্ৰৰ ভিতৰতে সৰ্বাধিক আক্ৰান্ত হৈছে পুনেত।
পূৰ্বতে কোৱা হৈছিল যে এই জটিল স্নায়ুজনিত ৰোগত শৰীৰৰ ৰোগ প্ৰতিৰোধ ক্ষমতাই স্নায়ুবোৰক আক্ৰমণ কৰে। সাধাৰণ বেক্টেৰিয়া, ভাইৰাছৰ সংক্ৰমণে এই ৰোগ সৃষ্টি কৰাৰ সম্ভাৱনা বেছি। এই বিৰল নিউৰ’ডিজেনেৰেটিভ ডিছঅৰ্ডাৰত স্নায়ুবোৰেও সঠিকভাৱে কাম নকৰে, হাত-ভৰি অজ্ঞান হৈ পৰে। পক্ষাঘাতৰ আশংকাও থাকে।
উশাহ-নিশাহৰ সমস্যা, খাদ্যাভ্যাসৰ সমস্যায়ো দেখা দিয়ে। সম্প্ৰতি চিকিৎসকে সকলোকে বাহিৰৰ খাদ্য নাখাবলৈ পৰামৰ্শ দিছে। পানী ভালদৰে উতলাই খোৱাৰ পৰামৰ্শ দিছে। হঠাতে এই ৰোগ কেনেকৈ বিয়পি পৰে তাৰ তদন্তৰ বাবে বিশেষজ্ঞৰ এক বিশেষ দল গঠন কৰা হৈছে।
