ASSAM TIMES POST
নতুন দিল্লীঃ ৰবি শস্যৰ ন্যূনতম সমৰ্থন মূল্য বৃদ্ধি কৰিলে কেন্দ্ৰীয় চৰকাৰে। বুধবাৰে নতুন দিল্লীত অনুষ্ঠিত কেন্দ্ৰীয় কেবিনেটৰ বৈঠকতে এই সিদ্ধান্ত লোৱা হয়। বজাৰলৈ নতুন ঘেঁহু, বুট, মচুৰ, সৰিয়হ আদি ৰবি শস্য অহাৰ পূৰ্বেই চৰকাৰৰ এনে সিদ্ধান্তই কৃষকসকলক উপকৃত কৰিব বুলি সম্প্ৰতি চৰ্চা চলিছে। এতিয়াৰেপৰা এই শস্যসমূহৰ ন্যূনতম সমৰ্থন মূল্য ৫০ শতাংশৰপৰা ১০৯ শতাংশলৈ বৃদ্ধি হ’ব। কেবিনেটত গ্ৰহণ কৰা সিদ্ধান্তৰ কথা সদৰী কৰি কেন্দ্ৰীয় মন্ত্ৰী প্ৰকাশ জাভেদকাৰে কয় যে এই সিদ্ধান্তৰ ফলত ঘেঁহুৰ ন্যূনতম সমৰ্থন মূল্য প্ৰতি কুইন্টলত ৮৫ টকা বৃদ্ধি পাব।
