কংগনা ৰাণাৱট চলচ্চিত্ৰ উদ্যোগৰ আটাইতকৈ স্পষ্টবাদী অভিনেত্ৰীসকলৰ মাজৰ এগৰাকী। শেহতীয়াকৈ আহিবলগীয়া ছবি “ধাকাড়” ৰ প্ৰচাৰ কৰি থকা সময়ত কংগনাক অতি উৎসাহিত হৈ থকা দেখা যায়। এটা এটাকৈ, তেওঁ উদ্যোগটোৰ সকলোকে লক্ষ্য হিচাবে লৈছিল আৰু এতিয়া তাৰকা সন্তানৰ প্ৰতি নিজৰ লক্ষ্য নিৰ্ধাৰণ কৰিছে অভিনেত্ৰী কংগনা ৰাণাৱটে।
চতুৰ্থ ৰাষ্ট্ৰীয় বঁটা লাভ কৰা কংগনাই বলীউডৰ তাৰকা সন্তানসকলৰ বাবে কি কৈছিল সেয়া শুনি আপোনালোক নিশ্চয় আঁচৰিত হ’ব।দৰাচলতে, এবিপি লাইভক দিয়া এক সাক্ষাৎকাৰত, কংগনাই মুকলিকৈ কয় যে, তেলেগু আৰু কানাড়া ছবিসমূহে কিছু সময়ৰ পৰা বক্স অফিচত খলকনিৰ সৃষ্টি কৰি আছে। তেওঁলোকে সকলোকে ঢোকে ঢোকে পানী খুৱাইছে। ‘আৰআৰআৰ’ আৰু ‘কেজিএফ অধ্যায় ২’ দুয়োখন ছবিয়ে ১০০ কোটি টকাৰ অধিক উপাৰ্জন কৰিছে।
একে সময়তে, “পুষ্পা দ্য ৰাইজে” য়ো হিন্দী সংস্কৰণত ১০০ কোটি টকাৰ ব্যৱসায় কৰিছিল। এই চলচ্চিত্ৰসমূহৰ হিন্দী সংস্কৰণে বক্স অফিচত বলীউডৰ চলচ্চিত্ৰসমূহৰ বাবে পানীত হাঁহ নচৰা অৱস্থাৰ সৃষ্টি কৰিছে। কংগনাই বিশ্বাস কৰে যে, ইয়াৰ কাৰণ হৈছে দৰ্শকে তাৰকা সন্তানক ভাল নাপায় আৰু বলীউডে তেওঁলোককে ছবিৰ অফাৰ প্ৰদান কৰে।
এই সন্দৰ্ভত কথা পাতি কংগনা ৰাণাৱটে লগতে কয় যে, দক্ষিণৰ চলচ্চিত্ৰ নিৰ্মাতাসকল তেওঁলোকৰ দৰ্শকৰ সৈতে সম্পৰ্কত থাকে। এই সংযোগটো যথেষ্ট শক্তিশালী। তেওঁ আগলৈ কয় যে, বলীউডৰ তাৰকা শিশুসকলে পঢ়িবলৈ বিদেশলৈ যায়, তাৰপিছত তেওঁলোকে ইংৰাজীত কথা পাতিবলৈ আৰম্ভ কৰে আৰু কেৱল হলীউডৰ চিনেমা চায়। তেওঁলোকে চামুচেৰে খাদ্য গ্ৰহণ কৰে আৰু তেওঁলোকৰ কথাৰ শৈলীও ভিন্ন। ইয়াৰ পিছত, কংগনাই কোৱা কথাখিনি শুনি
আপুনিও হাঁহিব।
কংগনাই কয় যে, “এই তাৰকা শিশুসকলক সিজোৱা কণীৰ দৰে দেখায়। তেওঁলোকৰ গোটেই চেহেৰাটো সলনি হৈ যায় আৰু মানুহে তেওঁলোকৰ সৈতে সংযোগ স্থাপন কৰিব নোৱাৰে। এক স্পষ্টীকৰণ দি কংগনাই লগতে কয়, “মই যি ক’ব বিচাৰিছো সেয়া একেবাৰে ট্ৰ’ল নহয়।”
কেৱল সেয়াই নহয়, কংগনাই দক্ষিণৰ অভিনেতা আল্লু অৰ্জুনৰ উদাহৰণ দি কয়, “চাওক পুষ্পা কেনেকুৱা দেখায় আমি জানো, প্ৰতিজন কৰ্মীয়ে তেওঁৰ সৈতে সংযোগ স্থাপন কৰিবলৈ সক্ষম হয়। আজিৰ সময়ত আমাৰ কোনজন নায়কক শ্ৰমিকৰ দৰে দেখাব পাৰে, এই চৰিত্ৰত খাপ খাব পাৰে।”
