ডিফুৰ পুৰণি সচিবালয় ভৱন কেএএচিৰ চিইএম ব্লকৰ কনফাৰেন্স হলত শুকুৰবাৰে আয়োজিত এক বিশেষ নিযুক্তি অভিযানৰ (এছআৰডি) অধীনত নিয়মীয়াকৰণ কৰা শিক্ষকলৈ নিযুক্তি-পত্ৰ বিতৰণ কৰা হয়। আনুষ্ঠানিকভাৱে নিযুক্তি-পত্ৰ বিতৰণ অনুষ্ঠানত কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য ডঃ তুলিৰাম ৰংহাঙে বিভিন্ন নিম্ন আৰু উচ্চ প্ৰাথমিক বিদ্যালয়ৰ বাবে এছআৰডিৰ অধীনত ৯ গৰাকী শিক্ষকক নিযুক্তি-পত্ৰ প্ৰদান কৰে। এই ৯ গৰাকী শিক্ষকৰ ভিতৰত ৫ গৰাকী হৈছে প্ৰাথমিক বিদ্যালয়ৰ আৰু ৪ গৰাকীক উচ্চ প্ৰাথমিক বিদ্যালয়ৰ শিক্ষক।
অনুষ্ঠানত চিইএমে শিক্ষক-শিক্ষয়িত্ৰীসকলক অভিনন্দন জনোৱাৰ লগতে কাৰ্বি আংলং আৰু পশ্চিম কাৰ্বি আংলঙৰ ছাত্ৰ-ছাত্ৰীসকলক নিষ্ঠা আৰু দায়বদ্ধতাৰে সেৱা আগবঢ়াই যাবলৈ আহ্বান জনায়। অনুষ্ঠানত সাংসদ আমোৰছিং টিছ’, ইএম ৰিচাৰ্ড টকবি, ইএম তথা বিধায়ক লুনছিং টেৰন, বিধায়ক নিছ’ টেৰাংপি আৰু ডাঃ হাবে টেৰনৰ লগতে বিভাগসমূহৰ বিষয়াসকলো উপস্থিত থাকে।
