এতিয়াৰে পৰা কাহৰ চিৰাপ (Caugh Syrup) কিনিবলৈ ডাক্তৰৰ প্ৰেছক্ৰিপচনৰ প্ৰয়োজন (Doctor’s prescription needed) হ’ব। স্বাস্থ্য আৰু পৰিয়াল কল্যাণ মন্ত্ৰালয়ে এই সন্দৰ্ভত গেজেট অধিসূচনা জাৰি কৰিছে। সকলো ধৰণৰ ‘চিৰাপ’ এতিয়া প্ৰেছক্ৰিপচনৰ সৈতে ক্ৰয় কৰিব লাগিব।
ভাৰত চৰকাৰে ৯ জুনত এই আদেশ জাৰি কৰিছিল। আদেশ অনুসৰি, ‘ড্ৰাগছ ৰুলছ, ১৯৪৫’ৰ ‘শ্বেডুল কে’ৰ পৰা ‘চিৰাপ’ শব্দটো আঁতৰাই দিয়া হৈছে। ‘Schedule K’ ত অনুজ্ঞাপত্ৰপ্ৰাপ্ত ফাৰ্মাচীসমূহে বিক্ৰী কৰিব পৰা ঔষধৰ তালিকা সন্নিবিষ্ট কৰা হৈছে। বিভিন্ন প্ৰতিবেদন অনুসৰি, এই তালিকাত অন্তৰ্ভুক্ত ঔষধসমূহ ‘ঔষধ আৰু প্ৰসাধন সামগ্ৰী আইন, ১৯৪০’ৰ কিছুমান চৰ্ত বা নিয়মৰ পৰা ৰেহাই দিয়া হৈছে।
‘ড্ৰাগছ টেকনিকেল এডভাইজাৰী ব’ৰ্ড’ৰ লগত আলোচনা কৰি ‘ড্ৰাগছ এণ্ড কচমেটিকছ এক্ট’ৰ ১২ আৰু ৩৩ নং ধাৰাত প্ৰদান কৰা ক্ষমতা প্ৰয়োগ কৰি চৰকাৰে এই সিদ্ধান্ত গ্ৰহণ কৰিছে বুলি আদেশত উল্লেখ কৰা হৈছে।
২০২৫ চনৰ ডিচেম্বৰ মাহত ইয়াৰ খচৰা প্ৰকাশ পোৱাৰ পিছত কোনো আপত্তি উত্থাপন নোহোৱাত এতিয়া এই পৰিৱৰ্তন আনুষ্ঠানিকভাৱে কাৰ্যকৰী হৈছে।
২০২৫ চনত ৰাজস্থান আৰু মধ্যপ্ৰদেশত ডাই-ইথাইলিন গ্লাইকল কাহ চিৰাপ সেৱন কৰি প্ৰায় ২৪ টা শিশুৰ মৃত্যু হৈছিল। এই চিৰাপবোৰ ‘শ্ব্ৰেছান ফাৰ্মাচিউটিকেলছ’ৰ দ্বাৰা নিৰ্মিত ‘কলড্ৰিফ’ৰ ঘৰুৱা বেটচৰ অংশ আছিল।
ইয়াৰ পূৰ্বে উজবেকিস্তানকে ধৰি বিভিন্ন দেশত ভাৰতত উৎপাদিত দূষিত বা ত্ৰুটিপূৰ্ণ চিৰাপ খাই শিশুৰ মৃত্যুৰ ঘটনা পোহৰলৈ আহে।
