সোমবাৰে জয়পুৰত প্ৰতিবাদৰ সময়ত একাংশ সমৰ্থকে তেওঁক কান্ধত তুলি লৈ যায়। অভিযোগ অনুসৰি, সেই সময়তে ভিৰৰ মাজৰ পৰা একাংশ লোকে ককৰোচ জনতা পাৰ্টীৰ প্ৰতিষ্ঠাপক অভিজিৎ দীপকেক চৰ মাৰে। এই ঘটনাত আৰক্ষীয়ে দুজন লোকক গ্ৰেপ্তাৰ কৰিছে।
দীপকে কয় যে শাৰীৰিক আক্ৰমণ আচলতে ভয়ৰ প্ৰকাশ।
নীট দুৰ্নীতিৰ প্ৰতিবাদত সোমবাৰে জয়পুৰৰ শ্বহীদ স্মাৰকত চিজেপিয়ে এক কাৰ্যসূচী ৰূপায়ণ কৰে। তাত শ শ সমৰ্থকৰ সমাগম ঘটে। নীট কেলেংকাৰীক লৈ দেশৰ শিক্ষামন্ত্ৰী ধৰ্মেন্দ্ৰ প্ৰধানক পদত্যাগ কৰিবলৈ দাবী জনায়।
জয়পুৰত অনুষ্ঠিত অনুষ্ঠানত দীপকেই ভাষণ দিবলৈ গৈ আছিল। তাৰ পূৰ্বে চিজেপি সমৰ্থকে তেওঁক কান্ধত তুলি লয়। অভিযোগ অনুসৰি, সেই সময়ত ভিৰৰ মাজৰ পৰা একাংশ লোকে তেওঁক চৰ মাৰিছিল। ইফালে সমৰ্থকে অভিযুক্তক ধৰি তেওঁলোকক প্ৰহাৰ কৰা বুলিও অভিযোগ উত্থাপন হৈছে। সেই সময়ত আৰক্ষীয়ে হস্তক্ষেপ কৰে।
দুয়োকে গ্ৰেপ্তাৰ কৰা হয়। পিছত দীপকেই ছ’চিয়েল মিডিয়াত লিখে, “শাৰীৰিক আক্ৰমণ ভয় আৰু কাপুৰুষালিৰ প্ৰকাশ।” ইয়াৰ পিছত তেওঁ লিখিছে, “আমি শান্তিপূৰ্ণভাৱে মাত মাতিম। মই গান্ধী আৰু আম্বেদকাৰৰ অনুগামী। আমি শান্তি আৰু প্ৰেমৰ জৰিয়তে এই যুঁজখন অব্যাহত ৰাখিম। পুনৰ কওঁ, ধৰ্মেন্দ্ৰ প্ৰধানে পদত্যাগ কৰিব লাগিব।”
