সোমবাৰে লাহৰিজান (Lahorijan)ত এটা অচিনাক্ত মৃতদেহ উদ্ধাৰ (Unidentified dead body found)ক লৈ তীব্ৰ চাঞ্চল্যৰ সৃষ্টি হয়। পুৱা প্ৰায় ১১.৩০ বজাত বোকাজান মহকুমাৰ অন্তৰ্গত খটখটী আৰক্ষী (Khatkhati Police) থানাৰ এলেকাধীন লাহৰিজান ৰে’লৱে দলঙৰ পৰা ২০০ মিটাৰমান দূৰৈত ৰে’ল লাইনৰ কাষত মৃতদেহটো উদ্ধাৰ কৰা হয়। প্ৰায় ২৬ বছৰ বয়সৰ এজন অচিনাক্ত যুৱকৰ মৃতদেহটো খটখটী আৰক্ষীয়ে উদ্ধাৰ কৰে। বিশেষ সূত্ৰে খবৰ লাভ কৰাৰ পিছত খটখটী আৰক্ষী ঘটনাস্থলীত উপস্থিত হৈ তদন্ত আৰম্ভ কৰে।
আনহাতে, যুৱকজনৰ নিচাযুক্ত দ্ৰব্য সেৱনৰ ফলত মৃত্যু হোৱা বুলি কৰা বুলি আৰক্ষীয়ে সন্দেহ কৰিছে। কিয়নো যুৱকজনৰ মৃতদেহৰ কাষত আৰক্ষীয়ে ড্ৰাগছৰ কণ্টেইনাৰ, চাধাৰ টেমাৰ লগতে ইঞ্জেকচনৰ চিৰিঞ্জ উদ্ধাৰ কৰিছে। মৃতদেহটো বোকাজানৰ কাৰ্যবাহী দণ্ডাধীশৰ উপস্থিতিত মৰণোত্তৰ পৰীক্ষাৰ বাবে ডিফু অসামৰিক চিকিৎসালয়লৈ প্ৰেৰণ কৰা হয়। আনহাতে, আৰক্ষীৰ জনোৱা মতে, মৃতদেহটোৰ পৰিচয় উদ্ধাৰৰ বাবে ৭২ ঘণ্টালৈকে মৰ্গত সংৰক্ষণ কৰি ৰখা হ’ব।
