বৰ্তমান চলি আছে বিজেপিৰ জন আশীৰ্বাদ যাত্ৰা (BJP’s People’s Blessing Journey)। এই যাত্ৰাত বিজেপিৰ সৰ্বস্তৰৰ নেতা-কৰ্মীৰ লগতে খোদ মুখ্যমন্ত্ৰীয়ে অংশগ্ৰহণ (Chief Minister participates) কৰিছে। ইতিমধ্যে এই যাত্ৰাই বিজেপি সমৰ্থকৰ পৰা ব্যাপক সমাদৰ লাভ কৰিছে।
আনহাতে, মুখ্যমন্ত্ৰী ডঃ হিমন্ত বিশ্ব শৰ্মাই সকলোৰে লগত একাত্ম হোৱাৰ চেষ্টা চলাইছে এই যাত্ৰাত। অৱশ্যে মুখ্যমন্ত্ৰীয়ে বিভিন্ন সময়ত বিভিন্ন ব্যক্তিৰ সৈতে একাত্ম হোৱাৰ দৃশ্য প্ৰায়ে পোৱা যায়। এইবাৰ জন আশীৰ্বাদ যাত্ৰাও তাৰ ব্যতিক্ৰম নহয়। তাৰে এক উদাহৰণ এই ভিডিওটো।
বিজেপিৰ জন আশীৰ্বাদ যাত্ৰাৰ সময়ত গহপুৰত অভাৱনীয় সমাদৰ লাভ কৰে মুখ্যমন্ত্ৰীৰ সমদলে। সেই সময়তে কেইগৰাকীমান কিশোৰ তথা যুৱকে মুখ্যমন্ত্ৰীক চাবলৈ তথা স্পৰ্শ কৰিবলৈ হেতা-ওপৰা লগায়। আনহাতে, এজনে তেওঁৰ হাতৰ ঘড়ীটো লাৰি চায়। মামা মামা বুলি মুখ্যমন্ত্ৰীক মাতে। তাৰ পিছত মুখ্যমন্ত্ৰীয়ে নিজৰ হাতৰ ঘড়ীটো খুলি মৰমৰ ভাগিনজক উপহাৰ দিয়ে। এই ভিডিওটোৱে এতিয়া ব্যাপক চৰ্চা লাভ কৰিছে।
