মণিপুৰৰ হিংসাত্মক (Manipur violence) পৰিস্থিতিৰ প্ৰভাৱ যাতে অসম-মণিপুৰ সীমান্তত নপৰে তাৰ বাবে অসম আৰক্ষী (Assam Police)য়ে সতৰ্কতামূলক ব্যৱস্থা গ্ৰহণ (Taking precautionary measures) কৰিছে। মুখ্যমন্ত্ৰী ডঃ হিমন্ত বিশ্ব শৰ্মা আৰু ডিজিপি জি পি সিঙে এই ক্ষেত্ৰত কঠোৰ নিৰ্দেশনা প্ৰদান কৰিছে। তাৰ পিচতেই অসম-মণিপুৰ সীমান্তত নিছিদ্ৰ পহৰাৰ ব্যৱস্থা কৰিছে অসম আৰক্ষীয়ে।
অসম পুলিচৰ সৈতে নিৰাপত্তাৰক্ষীয়ে অসম-মণিপুৰ সামীন্তত যৌথ অভিযান চলাইছে। বিশেষকৈ মণিপুৰ সীমান্তৰ কাছাৰ জিলা (Cachar district on Manipur border)ত যাতে কোনো প্ৰভাৱ পৰিব নোৱাৰে তাৰ বাবে কঠোৰ সতৰ্কতা অৱলম্বন কৰা হৈছে। ইয়াৰ বাবে সীমান্তত অসম আৰক্ষীসহ কমাণ্ডো বেটেলিয়ন মোতায়েন কৰা হৈছে আৰু সীমান্ত অঞ্চলত অহৰ্নিশে টহল দিয়াৰ লগতে নদীপথতো নদী আৰক্ষীয়ে সজাগতা অৱলম্বন কৰিছে৷
উল্লেখ্য যে যোৱা সপ্তাহত অসম-মণিপুৰ সীমান্তৱৰ্তী মণিপুৰৰ জিৰিবাম জিলাত ১০ সন্দেহযুক্ত কুকি উগ্ৰপন্থীক নিৰাপত্তাৰক্ষীয়ে গুলীয়াই হত্যা কৰে। তেওঁলোকৰ মৃতদেহ মৰণোত্তৰ পৰীক্ষাৰ বাবে শিলচৰ মেডিকেল কলেজ হস্পিটেললৈ অনা হয় আৰু তাতেই প্ৰায় ৫ দিন থকাৰ পিছত শনিবাৰে মণিপুৰলৈ উভতাই নিয়াৰ ব্যৱস্থা গ্ৰহণ কৰা হয়।
কিন্তু সেই সময়তে অসম- মণিপুৰ সীমান্তৰ অসমত বাস কৰা একাংশ কুকি লোকে প্ৰতিবাদ সাব্যস্ত কৰি আৰক্ষীৰ সৈতে হতাহতিত লিপ্ত হয়। আনহাতে, কিছুদিন পূৰ্বে ছয়গৰাকী মেইটেই শিশু-মহিলাক সন্দেহযুক্ত কুকি উগ্ৰপন্থীয়ে অপহৰণ কৰে। ইয়াৰে পাঁচজনৰ মৃতদেহ কাছাৰ জিলাত জিৰি নদীত উদ্ধাৰ হয়। এই ঘটনাৰে পিচতে অসম-মণিপুৰ সীমান্তৰ অসমৰ ভূমিত এক চেপা উত্তেজনাই বিৰাজ কৰে। তাৰে পৰিপ্ৰেক্ষিতত অসম আৰক্ষীয়ে সীমান্তত নিৰাপত্তা ব্যৱস্থা কটকটীয়া কৰি তুলিছে।
