অসমত শেহতীয়া বান পৰিস্থিতি (Recent flood situation in Assam) এতিয়াও অপৰিৱৰ্তিত হৈ আছে । ক্ৰমাগতভাৱে চলি থকা ধাৰাসাৰ বৰষুণৰ বাবে বান পৰিস্থিতি অধিক ভয়াৱহ হৈ পৰাৰ লগতে ঠায়ে ঠায়ে খহনীয়াৰ সৃষ্টি কৰিছে ৷ ইফালে বানপানীৰ বাবে কেইবাঠাইতো মথাউৰি ছিগাৰ লগতে দলং আদিও উটুৱাই নিছে৷ আনহাতে, বান পৰিস্থিতি ভয়াৱহ হোৱা জিলাবোৰত প্ৰশাসনে শিক্ষানুষ্ঠান বন্ধ ঘোষণা কৰাৰ লগতে সতর্কতামূলক ব্যৱস্থা হিচাপে ১৪৪ ধাৰা জাৰি কৰিছে৷
অসম ৰাজ্যিক দুৰ্যোগ ব্যৱস্থাপনা বিভাগৰ শেহতীয়া তথ্য মতে, এইবাৰৰ বানৰ কবলত পৰিছে ৰাজ্যৰ ১৯ খন জিলা (19 districts of the state in the grip of floods)। এই জিলাকেইখন হৈছে কামৰূপ, দক্ষিণ শালমাৰা, গোৱালপাৰা, নগাঁও, বঙাইগাঁও, লখিমপুৰ, হোজাই, দৰং, নলবাৰী, কৰিমগঞ্জ, ওদালগুৰি, তামুলপুৰ, হাইলাকান্দি, বিশ্বনাথ, বৰপেটা, কাছাৰ, বাক্সা আৰু বজালী ৷
তথ্য মতে, ১৯ খন জিলাৰ ৪৮ টা ৰাজহ চক্ৰৰ ৫৭৯ খন গাঁও বানৰ কবলত পৰিছে ৷ আনহাতে, এই বানত ২,৯৬,৩৮৪ গৰাকী লোক প্ৰভাৱিত হোৱাৰ লগতে পানীৰ তলত আছে ৩,৩২৬ হেক্টৰ কৃষিভূমি (3,326 hectares of agricultural land under water)৷
উল্লেখ্য যে এইবাৰৰ বানত সৰ্বাধিক ক্ষতিগ্ৰস্ত হৈছে কৰিমগঞ্জ আৰু নলবাৰীত জিলা। জিলা দুখনৰ বান পৰিস্থিতিয়ে ক্ৰমে জটিল ৰূপ ধাৰণ কৰিছে ৷ এতিয়ালৈকে বানাক্ৰান্তৰ সহায়ৰ বাবে ১০৫ টা আশ্ৰয় আৰু সাহায্য শিবিৰ স্থাপন কৰা হৈছে৷
