গুৰুতৰভাৱে আহত কাজল দেৱগন (Kajol Devgan injured)! তেনে এক ভিডিঅ’ বৰ্তমান ভাইৰেল (Video goes viral) হৈছে।ভিডিঅʼটোত ক্ৰাচ লৈ খোজকাঢ়ি থকা দেখা গৈছে ‘ট্ৰায়েল’ৰ অভিনেত্ৰীগৰাকীক। বগা চাৰ্ট আৰু নীলা জিন্স পিন্ধি তেওঁ কʼৰবালৈ গৈ আছে। তেওঁৰ আঘাত কিমান গুৰুতৰ সেয়া অৱশ্যে জানিব পৰা হোৱা নাই। অৱশ্যে সেই অৱস্থাতে তেওঁ শ্বুটিং কৰিছে বুলি বিভিন্ন সংবাদ মাধ্যমৰ পৰা জানিব পৰা গৈছে।
কাজলৰ এই ভিডিঅʼটো ছচিয়েল মিডিয়াত শ্বেয়াৰ কৰিছে বলীউডৰ এজন আগশাৰীৰ চিনেমাটোগ্ৰাফাৰে। আহত অভিনেত্ৰীগৰাকীক দেখি বহু তাৰকাই দুখ প্ৰকাশ কৰে। তেওঁৰ আশু আৰোগ্য কামনা কৰে। শেহতীয়াকৈ অভিনেত্ৰীগৰাকীয়ে বন্ধু-বান্ধৱ আৰু পৰিয়ালৰ সদস্যৰ সৈতে ৪৯ সংখ্যক জন্মদিন উদযাপন কৰে। এই দিনটোত তেওঁৰ ছচিয়েল মিডিয়া পেজ শুভেচ্ছাৰে উপচি পৰে।
লগতে কাজলে সকলোকে আন্তৰিক ধন্যবাদ জ্ঞাপন কৰে তেওঁৰ জন্মদিনটোক ইমান বিশেষ কৰি তোলাৰ বাবে। চিনেমাটোগ্ৰাফাৰসকলেও তেওঁৰ জন্মদিনটো পৃথকে পৃথকে উদযাপন কৰে। নায়িকাগৰাকীয়ে কেক কাটি উদযাপনত অংশগ্ৰহণ কৰে। ইয়াৰ পিছত এই দুৰ্ঘটনাৰ খবৰ পাই সকলোৱে আচৰিত হৈ পৰে। কিন্তু কেনেদৰে আঘাতপ্ৰাপ্ত হʼল কাজল সেই বিষয়ে জানিব পৰা হোৱা নাই। অৱশ্যে তেওঁ শয্যাশায়ী হ’বলগা হোৱা নাই বুলি অনুৰাগীসকল নিশ্চিত।
