ষ্টাফ ৰিপ’ৰ্টাৰঃ
ডিফু : অসম-নাগালেণ্ড সীমান্তঞ্চলৰ কাৰবি আংলং জিলাৰ খটখটীত আজি পুৱা-গধুলি আৰক্ষীৰ অভযানত উদ্ধাৰ বহু পৰিমাণৰ সন্দেহযুক্ত হেৰইন ৷ ড্ৰাগছৰ বিৰুদ্ধে আৰক্ষীয়ে যিমানেই কঠোৰ হৈছে সিমানেই ড্ৰাগছ সৰবৰাহকাৰীয়ে অৱলম্বন কৰিছে ন-ন কৌশল ৷ আজি সন্ধিয়া ৭-৩০ মান বজাত পুনৰ খটখটী ষ্টেট বেংকৰ ওচৰত বোকাজান মহকুমা আৰক্ষী বিষয়া জন দাসৰ নেতৃত্বত খটখটী থানাক অ’চি ৰাজু দুৱৰাৰ, বোকাজান অ’চি মৌবলিক ব্ৰক্ষ্ম উপ-পৰিদৰ্শকদ্বয় ৰাজীৱ বৰুৱা আৰু নিতুল শইকীয়া, চিআৰপিএফ কেম্প লগতে থানা ষ্টাফৰ সহযোগত এক গোপন সূত্ৰ ভিত্তিত নাকা তালাচী চলোৱা হয়৷ উক্ত তালাচী কালত নাকা তালাচী পইণ্টেৰে খোজকাঢ়ি গৈ থকা এজন লোকক সন্দেহবশত তালাচী চলোৱাত লোকজনৰ জনৰ এটা কেৰি বেগৰ পৰা অভিযানকাৰী দলটোৱে ৪০ চাবোনৰ বাকচত প্ৰায় আধা কেজি হেৰইন জব্দ কৰিবলৈ সক্ষম হয় ৷
হেৰইনখিনি সৰবৰাহত জড়িত আৰু ধৃত লোকৰ ঠিকনা ত্ৰিপুৰাৰ সোণামাৰা জিলাৰ যাত্ৰাপুৰ আৰু বৰ্তমান ঠিকনা বোকাজান মহকুমাৰ অন্তৰ্গত শুকানজানৰ মৃত শিশুৰাম পালৰ পুত্ৰ বিমল পাল ( ৪৬) বুলি চিনাক্ত কৰে ৷ জব্দ হোৱা হেৰইনখিনি আনুমানিক বজাৰমূল্য প্ৰায় তিনি কোটি টকা হ’ব বুলি জানিব পৰা গৈছে ৷
