আজি ঘোষণা হয় ৭০ সংখ্যক ৰাষ্ট্ৰীয় চলচ্চিত্ৰ বঁটা (70th National Film Awards)। ২০২২ বৰ্ষৰ বাবে ৰাষ্ট্ৰীয় চলচ্চিত্ৰ বঁটাৰ জুৰীয়ে বঁটা বিজয়ীসকলৰ নামৰ তালিকা ঘোষণা কৰে।ৰাষ্ট্ৰীয় চলচ্চিত্ৰ বঁটাত পূৰ্বৰ দৰে এইবাৰো অসমীয়া ছবিয়ে গৌৰৱ বুটলিবলৈ সক্ষম হৈছে৷ দুখনকৈ অসমীয়া ছবি (Two Assamese films)য়ে এইবাৰ ৰাষ্ট্ৰীয় চলচ্চিত্ৰ বঁটাৰ বিশেষ উল্লেখ বঁটা লাভ (National Film Awards Special Awards) কৰিবলৈ সক্ষম হৈছে৷ তাৰে এখন হৈছে আইমী বৰুৱা প্ৰডাকচনৰ ‘Birubala Witch to Padmashri’।
আনখন হৈছে পাৰ্থসাৰথি মহন্তৰ নিৰ্দেশনাত পি আই এণ্টাৰটেইনমেণ্টৰ বেনাৰত নিৰ্মিত ‘Hargila- The Greater Adjutant Stork’। আনহাতে, এইছ এম প্ৰডাকচনৰ নৱপণ ডেকা নিৰ্দেশনাৰ ছবি ‘শূন্যতা’ই লাভ কৰিছে শ্ৰেষ্ঠ চুটি ছবিৰ বঁটা।
ইয়াৰ উপৰি আঞ্চলিক ভাষা শিতানত শ্ৰেষ্ঠ অসমীয়া ছবিৰ বঁটা লাভ কৰিছে ‘এমুঠি পুথি’ ছবিখনে। আনহাতে, শ্ৰেষ্ঠ তিৱা ছবি হিচাপে বিবেচিত হৈছে ‘SIKAISAL’।
