লোকসভা নিৰ্বাচন (Lok Sabha Election)ৰ দিন ক্ৰমাৎ ওচৰ চাপি আহিছে। তাৰ ঠিক পূৰ্বে দেশৰ সৰ্বোচ্চ ন্যায়ালয়ৰ পৰা সাংসদ-বিধায়কলৈ কঠোৰ বাৰ্তা। সোমবাৰে উচ্চতম ন্যায়ালয়ে (Supreme Court) কয় যে ভোটৰ বিনিময়ত নোটৰ (Notes in exchange for votes) ক্ষেত্ৰত বিধায়কসকলকক সুৰক্ষা দিয়া নহয়। অৰ্থাৎ যদি এজন বিধায়ক বা সাংসদৰ বিৰুদ্ধে উৎকোচ দিয়াৰ অভিযোগ থাকে, সুৰক্ষা অবিহনে তেওঁৰ বিৰুদ্ধে আইনী ব্যৱস্থা লোৱাৰ ক্ষেত্ৰত কোনো বাধা নাথাকিব। ডি ৱাই চন্দ্ৰচুড়ৰ নেতৃত্বত গঠিত সাতজনীয়া বিচাৰপীঠে সোমবাৰে ১৯৯৮ চনৰ এই সম্পৰ্কীয় নিৰ্দেশ খাৰিজ (1998 order dismissed) কৰে।
১৯৯৮ চনৰ নিৰ্দেশত বিধায়কসকলক ধনৰ বিনিময়ত কোনো বিধায়ক বা সাংসদ, বিধানসভা বা সংসদত ভাষণ বা ভোট দিয়াৰ অভিযোগৰ পৰা সুৰক্ষিত কৰা হৈছিল। অৰ্থাৎ তেওঁলোকৰ বিৰুদ্ধে অভিযোগ থাকিলেও তেওঁলোকে সুৰক্ষা পাব, বিচাৰ প্ৰক্ৰিয়া আৰম্ভ নহ’ব। ৫ জনীয়া সংবিধান বিচাৰপীঠে এই নিৰ্দেশ দিছিল। দেশৰ সৰ্বোচ্চ ন্যায়ালয়ে নিৰ্দিষ্ট কাৰণ উল্লেখ কৰি আজি সেই ৰায় নাকচ কৰে।
