ছ‘চিয়েল মিডিয়াই (Social Media) সঁচাকৈ জনসাধাৰণৰ মন গহ্বৰত এক বিশেষ প্ৰভাৱ বিস্তাৰ কৰে। সেয়া ইতিবাচকেই হওঁক অথবা নেতিবাচকেই হওঁক, প্ৰভাৱ বিস্তাৰ কৰাৰ ক্ষেত্ৰত ছ’চিয়েল মিডিয়া সদায় আগত। মনোৰঞ্জন ক্ষেত্ৰৰ লগতে মন্ত্ৰী-নেতা ইত্যাদি সকলোৱে নিজা ছ’চিয়েল মিডিয়া একাউণ্টৰ জৰিয়তে নিজৰ কথা জনসাধাৰণৰ মাজত ব্যক্ত কৰিবলৈ সক্ষম হয়। এই ছ’চিয়েল মিডিয়াৰ জৰিয়তে ব্যক্তিবিশেষৰ ব্যক্তিত্ব ফুটি উঠে । ছ’চিয়েল মিডিয়াত বিগত দিনৰ পৰা নাগালেণ্ডৰ এগৰাকী মন্ত্ৰী প্ৰায়ে ট্ৰেণ্ডিঙত থকা পৰিলক্ষিত হৈছে। তেওঁৰ নাম হৈছে টেমজেন ইমনা আলঙ (Temjen Imna Along)।
তেওঁৰ পষ্ট সমূহৰ বাবে অপেক্ষাৰত হৈ থাকে জনসাধাৰণ। নাগালেণ্ডবাসীৰ (Nagaland) লগতে সমগ্ৰ উত্তৰ-পূৰ্বাঞ্চলবাসী (Northeast) তেওঁৰ অনুৰাগী হৈ পৰাৰ অন্যতম কাৰণ হৈছে তেওঁৰ ছ’চিয়েল মিডিয়াৰ প্ৰফাইল। ক’ৰবালৈ গ’লে, খালে অথবা যিকোনো বিষয়ত তেওঁ যিসমূহ কেপচনেৰে ফটো আপলোড কৰে, সেইসমূহে হাঁহিৰ খোৰাক যোগায় জনসাধাৰণৰ মাজত।
কিন্তু আপোনালোকে জানেনে? এই গৰাকী বিশেষ ব্যক্তিৰ ছ’চিয়েল মিডিয়া পৰিচালিত হয় অসমৰ পৰা। অসমীয়া ৩১ বছৰীয়া উদ্যোগী যুৱক প্ৰণয় বৰুৱাৰ (Pronoy Boruah) তত্ত্বাৱধানত পৰিচালিত হয় টেমজেন ইমনা আলঙ ৰ ছ’চিয়েল মিডিয়া প্ৰফাইল।
আমগুৰিৰ (Amguri) নিবাসী এইগৰাকী যুৱকৰ ব্যতিক্ৰমী চিন্তাধাৰা তথা ৰাইজক আকৰ্ষণ কৰিব পৰা মানসিকতাই শেহতীয়াকৈ মন্ত্ৰীগৰাকীক ট্ৰেণ্ডিঙত ৰাখিছে। আমি আপোনালোকৰ ওচৰত মন্ত্ৰীগৰাকীৰ কেইটামান পষ্ট দাঙি ধৰিব খুজিছোঁ-
