গণিতৰ পৰীক্ষাৰ পিছদিনাই বিজ্ঞানৰ পৰীক্ষা। গৰ্ভাৱস্থাত পৰীক্ষাৰ বাবে জোৰদাৰ প্ৰস্তুতি চলাইছিল। পৰিস্থিতি যিয়েই নহওক কিয়, ২২ বছৰীয়া যুৱতীগৰাকীয়ে হাৰমনা নাছিল। সন্তান জন্ম দিয়াৰ পিছত তেওঁ মাধ্যমিক পৰীক্ষাত অৱতীৰ্ণ হয়।বিহাৰত (Bihar) সংঘটিত হৈছে এই ঘটনা। ২২ বছৰ বয়সত ৰুক্মিণী কুমাৰী (Rukmini Kumari) নামৰ যুৱতীগৰাকীয়ে মাধ্যমিক পৰীক্ষাত অৱতীৰ্ণ হয়। গণিত পৰীক্ষাৰ পিছদিনা পুত্ৰ সন্তান জন্ম দিলে।
সেইদিনা বিজ্ঞানৰ পৰীক্ষা আছিল। শৰীৰক লৈ চিন্তিত হৈ চিকিৎসকে তেওঁক চিকিৎসালয়ৰ পৰা মুকলি কৰি দিবলৈ অনিচ্ছুক হৈ পৰিছিল। তন্দ্ৰাছন্ন অৱস্থাতেই এম্বুলেন্সত উঠি পৰীক্ষা কক্ষ পালেহি ৰুক্মিণী। প্ৰসৱৰ (Delivery) তিনি ঘণ্টাৰ পিছতে (After three hours) তেওঁ পৰীক্ষা (Examination) দিয়ে।
অল ইণ্ডিয়া প্ৰেছৰ আগত ৰুক্মিণীয়ে কয় যে মাধ্যমিক পৰীক্ষাত (Secondary Examination) উত্তীৰ্ণ হʼবলৈ বহুদিনৰ পৰা প্ৰস্তুতি চলাই আহিছিল। তেওঁৰ প্ৰসৱৰ বিষ আৰম্ভ হৈছিল অঙ্কৰ পৰীক্ষাৰ ঠিক পিছতেই। চিকিৎসালয়লৈ যোৱাৰ সময়ত তেওঁ সিদ্ধান্ত লৈছিল যে সন্তান জন্ম হোৱাৰ পিছত পৰীক্ষা দিব। আনহাতে, চিকিৎসকে কয় যে নতুন মাতৃ হিচাপে পৰীক্ষা দিয়াটো অতি বিৰল। কোৱা বাহুল্য যে ৰুক্মিণীয়ে বহু মাতৃক অনুপ্ৰাণিত কৰিছে।
