আজি ঐতিহাসিক নগৰ তেজপুৰত অনুষ্ঠিত হয় অসম চৰকাৰৰ ৫০ সংখ্যক কেবিনেট বৈঠক। উক্ত বৈঠকত গ্ৰহণ কৰা হয় কেইবাটাও গুৰুত্বপূৰ্ণ সিদ্ধান্ত। খিলঞ্জীয়া ভূমিহীন পৰিয়ালৰ বাবে বসতি স্থাপন, বটদ্ৰৱা থানৰ উন্নয়ন, বীৰ লাচিত বৰফুকনৰ স্মৰণত বিভিন্ন প্ৰকল্প, পথ উন্নয়ন, সোৱণশিৰি আৰু পাগলাদিয়া নদীৰ ওপৰত নতুন দলং নিৰ্মাণ আদিকে ধৰি কেইবাটাও সিদ্ধান্ত গ্ৰহণ কৰা হয় কেবিনেটত।
উল্লেখযোগ্য যে প্ৰতি দুমাহৰ বিৰতিত গুৱাহাটীৰ বাহিৰত থকা জিলা সদৰত কেবিনেট বৈঠক অনুষ্ঠিত কৰাৰ সিদ্ধান্ত আছিল হিমন্ত বিশ্ব চৰকাৰৰ। তাৰেই অংশ হিচাপে শনিবাৰে তেজপুৰত এই বৈঠক অনুষ্ঠিত হয়।
ইয়াৰ পূৰ্বে ধেমাজি, বঙাইগাঁও আৰু হাফলঙত মন্ত্ৰীসভাৰ বৈঠক অনুষ্ঠিত হৈছিল। আজি গ্ৰহণ কৰা ২২টাকে ধৰি মুঠ ৬০০ৰো অধিক সিদ্ধান্ত বৰ্তমানলৈ অনুষ্ঠিত কেবিনেট বৈঠকসমূহত গ্ৰহণ কৰা হৈছে।
