ডিমা হাছাও স্বায়ত্তশাসিত পৰিষদ (Dima Hasao Autonomous Council)ৰ উপাধ্যক্ষ পদ (Dy speaker)ত ফ্লেমিং ৰূপছী (Flaming Rupchi) বিনা প্ৰতিদ্বন্দ্বিতাৰে নিৰ্বাচিত হৈছে৷ জিলাখনৰ জাতিংগা পৰিষদীয় সমষ্টিৰ পৰা নিৰ্বাচিত হোৱা ফ্লেমিং ৰূপছি স্বায়ত্তশাসিত পৰিষদখনৰ পাৰিষদ হিচাপে কাৰ্যনিৰ্বাহ কৰি আহিছে৷ ৰূপছীক বিনা প্ৰতিদ্বন্দ্বিতাৰে নিৰ্বাচিত কৰাৰ বাবে পৰিষদৰ সদস্যসকলৰ আস্থা আৰু সমৰ্থনত তেওঁ উৎফুল্লিত হৈ পৰিছে ৷
এতিয়াৰে পৰা তেওঁ পৰিষদৰ কাম-কাজত গুৰুত্বপূৰ্ণ দায়িত্ব গ্ৰহণ কৰি অধ্যক্ষৰ অনুপস্থিতিত পৰিষদৰ কাৰ্যবিধি পৰিচালনাৰ দায়িত্ব বহন কৰিব৷ ইফালে ৰূপছী বিনা প্ৰতিদ্বন্দ্বিতাৰে উপাধ্যক্ষ নিৰ্বাচিত হোৱাত জিলাখনৰ জ্যেষ্ঠ ৰাজনৈতিক নেতা, পৰিষদৰ সদস্য আৰু শুভাকাংক্ষীসকলে তেওঁক অভিনন্দন জ্ঞাপন কৰিছে। লগতে উপাধ্যক্ষ হিচাপে তেওঁৰ কাৰ্যকালত পৰিষদৰ ফলপ্ৰসূ কাৰ্যকলাপ আৰু উন্নয়নত অৰিহণা যোগাব বুলি আশা প্ৰকাশ কৰিছে।
