ইছৰোৱে ইতিমধ্যে জনাইছিল যে আদিত্যই (Aditya L1) ১৯ ছেপ্টেম্বৰৰ পুৱা ২.৩০ বজাত পৰৱৰ্তী কক্ষপথ সলনি কৰিব।উক্ত কক্ষপথ অতিক্ৰম কৰাৰ পিছত আদিত্যই পৃথিৱীৰ টান অতিক্ৰম কৰিব। তেতিয়া ই সূৰ্যৰ ফালে গতি কৰিব। তাৰ পৰা যাত্ৰাৰ পিছত সূৰ্যৰ লেগ্ৰেঞ্জ এল ১ পইণ্ট আদিত্যত আৰু ১১০ দিন সময় লাগিব।
পৰিকল্পনা অনুসৰি, সোমবাৰে মাজনিশাৰ কিছু সময়ৰ পিছতে আদিত্যই পঞ্চম কক্ষপথ সলনি কৰে। সোমবাৰে দুপৰীয়া ২.৩০ বজাৰ ভিতৰত আদিত্য সন্দৰ্ভত এক আপডেট দিয়ে ইছৰোৱে।
স্পেচ ৰিচাৰ্চ ইনষ্টিটিউটৰ এক্স-হেণ্ডল মতে, পৃথিৱীৰ টানৰ পৰা আঁতৰি যোৱাৰ পিছত মহাকাশযানখন ট্ৰেন্স-লেগ্ৰেঞ্জিয়ান বিন্দুত পুনৰ স্থাপন কৰা হৈছে। ইয়াৰ পূৰ্বে ৩, ৫, ১০ আৰু ১৫ ছেপ্টেম্বৰত আদিত্যই সফলতাৰে প্ৰথম, দ্বিতীয়, তৃতীয় আৰু চতুৰ্থ কক্ষপথ সলনি কৰিছিল। মন কৰিবলগীয়া যে অন্ধ্ৰপ্ৰদেশৰ শ্ৰীহৰিকোটাৰ সতীশ ধৱন মহাকাশ গৱেষণা কেন্দ্ৰৰ পৰা ২ ছেপ্টেম্বৰৰ পৰা সূৰ্যৰ ফালে যাত্ৰা আৰম্ভ হৈছিল আদিত্য এল১ৰ।
